Үүнэ-сайда, чэчирии тур, тапталлаах Сахабыт Сирэ!
Үүнэ-сайда, чэчирии тур, тапталлаах Сахабыт Сирэ! Судаарыстыбаннас күнэ гимназиябытыгар киэҥ далааһыннаахтык бэлиэтэнэр. Ол курдук нэдиэлэ устата кылаас чаастара, библиотечнай уруоктар, ыытылла тураллар. Маны таһынан, кылаас коллективтара Саха театрын туруорууларын кэрэхсээтилэр, музейдарга сылдьан билиилэрин-көрүүлэрин хаҥаттылар. Үөрэнээччилэр кыраайы үөрэтээччи, историк Виктор Борисов – Алтан Түһүнэй Судаарыстыбаннай өй-санаа, төрөөбүт дойдуга таптал, харыстабыл туһунан ыллыктаах санааларын иһиттилэр, сэһэргэстилэр. Докуускай куорат ыччат, оҕо ааҕар кииниттэн Ефремова Людмила Васильевнаны кытта олус сэргэх көрсүһүү буолла, оҕолор Саха сирин туһунан викторинаҕа билиилэрин тургуттулар. Биир бэлиэ түгэнинэн, гимназия 4“б” кылааһын үөрэнээччилэрэ (кыл.сал. Петрова О.В.) үөрэнэр кыһаларын таһыгар мас олордубуттара уонна төрөөбүт дойдуларыгар сыһыаннаах араас чинчийэр үлэлэрин билиһиннэрбиттэрэ буолар. Республикабыт социальнай, экономическай бигэ туруктаах буолуутун, норуот духовнай сайдыытын түстээбит Сахабыт сирин судаарыстыбаннаһын күнүнэн бука барыгытын эҕэрдэлиибит!