П.А. Ойуунускай аатынан литература түмэлигэр Учуутал күнүгэр аналлаах Дьокуускай куорат...
П.А. Ойуунускай аатынан литература түмэлигэр Учуутал күнүгэр аналлаах Дьокуускай куорат оскуолаларыгар үлэлиир саха тылын уонна литературатын учууталларын кытта көрсүһүү буолан ааста. Куорат усулуобуйатыгар төрөөбүт литератураны үөрэтии, оҕону ааҕыыга угуйуу туһунан учуонайдар кыттыылаах истиҥ сэһэргэһиигэ биһиги гимназиябыт саха тылын учууталлара Галина Семеновна Анисимова, Күндэлиинэ Трофимовна Кириллина уонна гимназия үөрэнээччилэрэ көхтөөх кыттыыны ыллылар. Биир ураты түһүмэҕинэн суруйааччы-учууталларга анаммыт, тута уруок ыытыытын көрдөрүү буолла. Ол курдук, Галина Семеновна норуодунай суруйааччы Семен Даниловка аналлаах уруоктан быһа тардан баай уопутуттан үллэһиннэ. Бу саха ыччатын иитиигэ-үөрэтиигэ сүҥкэн суолталаах тэрээһин, инники кэскиллээх үлэҕэ-хамнаска саҥа сайдар саҕахтары арыйыа диэн эрэнэбит.