“Бастакы президент оскуолаларын ситимэ” алтынньытааҕы мунньахтара М.Е. Николаев аатынан...
“Бастакы президент оскуолаларын ситимэ” алтынньытааҕы мунньахтара М.Е. Николаев аатынан Дьокуускай куорат 40№-дээх оскуолатыгар киэҥ далааһыннаахтык, араас хайысхаларынан буолан ааста. Биһиги гимназиябыт «Региональная модель воспитательного пространства» диэн хайысханы иилээн-саҕалаан тэрийистэ. Ол курдук, директор сүбэһиттэрэ Макаров А.А. гимназияҕа ыытыллар бально-рейтинговай система туһунан, Васильева В.П. «Өксөкү сиэннэрэ» диэн программа туһунан сырдаттылар. Төрөппүт киинин салайааччыта Пинигина Е.В. төрөппүттэргэ дьоһуннааҕы кэпсэтии туһунан кэпсээтэ. Ону таһынан ДьКНГ төрөппүттэрэ граҥҥа кыайбыт үөрүүлээх сонунун иһитиннэрдэ. Ол чэрчитинэн “Фестиваль Олонхо” тэрээһин ыытылларын биллэрдэ. «Искусственный интеллект в образовании: новая реальность управления» диэн хайысхаҕа биология учуутала, Протопопов А.Г. оҥоһуу өй ньымаларын уруогар тоҕоостоохтук туһанарын көрдөрбүтэ, медиатека салайааччыта Бурнашева О.В. оҥоһуу өй көмөтүнэн ааҕыыны көҕүлээһини билиһиннэрбитэ дьон болҕомтотун тардан улахан сэҥээриини ыллылар. Түмүккэ өр сылларга таһаарыылаахтык үлэлээбит коллегаларбыт математика учуутала Заровняева Т.С. уонна английскай тыл учуутала Ксенофонтова Х.М. СӨ үөрэххэ уонна наукаҕа министерствотын аатыттан Бочуотунай грамота туттулар. Бу тэрээһин таһаарыылаах соруктара үтүө түмүктэрдээх буоллун, бастакы президент оскуолаларын ситимэ сайдыы суолун тутуһан, үүнэ-чэчирии турдун!