Молитвы: утренние, вечерние, Богородице, святым
Образование · 18 сентября 2026 г.
Псалом 51, когда оклеветан или осужден невинно
Псалом 51, когда оклеветан или осужден невинно Что́ хва́лишися во зло́бе, си́льне? беззако́ние ве́сь де́нь, непра́вду умы́сли язы́к тво́й: я́ко бри́тву изощре́ну сотвори́л еси́ ле́сть. Возлюби́л еси́ зло́бу па́че благосты́ни, непра́вду не́же глаго́лати пра́вду: возлюби́л еси́ вся́ глаго́лы пото́пныя, язы́к льсти́в. Сего́ ра́ди Бо́г разруши́т тя́ до конца́: восто́ргнет тя́, и пресели́т тя́ от селе́ния твоего́ и ко́рень тво́й от земли́ живы́х. У́зрят пра́веднии и убоя́тся, и о не́м возсмею́тся и реку́т: се́, челове́к, и́же не положи́ Бо́га помо́щника себе́, но упова́ на мно́жество бога́тства своего́, и возмо́же суето́ю свое́ю. А́з же я́ко ма́слина плодови́та в дому́ Бо́жии: упова́х на ми́лость Бо́жию во ве́к и в ве́к ве́ка. Испове́мся Тебе́ в ве́к, я́ко сотвори́л еси́: и терплю́ и́мя Твое́, я́ко благо пред преподо́бными Твои́ми. 🐝 Молитвы в Телеграм и в МАХ