⚜Аполлон Михайлович Апросимов литературнай түмэлин үөрүүлээх арыллыыта
⚜Аполлон Михайлович Апросимов литературнай түмэлин үөрүүлээх арыллыыта ✨Бүгүн, РСФСР Норуотун үөрэҕириитин туйгуна, учууталлар учууталлара, Саха Өрөспүүбүлүкэтин норуотун үөрэҕириитин бочуоттаах бэтэрээнэ Апросимов Аполлон Михайлович 1998 сыллаахха төрүттээбит литературнай түмэлин үөрүүлээх арыллыыта буолла. Бу түмэл баарын туоһулуур вывеската арыллан, күөх төлөн киирэн, үлэтин саҕалыыр тэрээһинэ ыытылынна. 🌿Бу дьоһуннаах тэрээһиҥҥэ биһиги оскуолабыт эбии үөрэхтээһин педагога, талааннаах Туйара Дмитриевна – Туос Туйара, үөрэнээччилэрин Сайнаара Скрябинаны уонна Паша Дордосованы кытта, Аполлон Михайлович айымньыларыгар олоҕуран, туоһунан хартыына дьүһүйүү маастар-кылааһын ыытта. Оҕолор маастар-кылаас кэмигэр улахан интэриэһи көрдөрөн, уһулуччулаах педагог айымньыларын дириҥник ырыттылар. 📚Бу түмэл арыллыыта Аполлон Михайлович Апросимов улууканнаах үлэтин, айымньытын үйэтитэр уонна кэнчээри ыччакка тиэрдэр улахан суолталаах. Түмэл үлэтэ Сахабыт сирин литературатын, култууратын сайдыытыгар саҥа кэрдииһи аһыаҕа диэн эрэнэбит.🌱