🪂 Ыһыах бастакы күнүн киэргэлинэн, ураты көстүүтүнэн түһүлгэҕэ Ньурба былааҕын күөрэпп... — 21 июня 2026 г. в 05:55:07.968
🪂 Ыһыах бастакы күнүн киэргэлинэн, ураты көстүүтүнэн түһүлгэҕэ Ньурба былааҕын күөрэппит парашюттаах уолаттар эр-биир түспүттэрэ буолар. Кинилэр кимнээҕий? ГБУ "Авиалесоохрана" үлэһиттэрэ. 💬 Биригээдэни салайан үлэлэппит летчик-наблюдатель Станислав Анатольевич Петрову кытта кэпсэттибит: Ыһыах торумун бигэргэтэллэригэр "Кыталык" КД дириэктэрэ Самангади Базарсадаевнаны кытта үлэлэспиппит. Бастаан утаа ыһыах аһыллыытыгар түһүөхтээх этибит, ол эрэн бэйэбит эмиэ туспа графиктаах буолан, бастаан улууска ойуур баһаара суоҕун бигэргэтэн баран түспүппүт. Барыта 7 парашютист үлэлээтэ. Үгүстэрэ уопуттаахтар, саҥа үлэһиттэр эмиэ бааллар. Координаталары көрөн, оруобуна түһүлгэҕэ түһэр курдук, эбии салайан биэрэн ыстаммыппыт. Дьон-сэргэ, чуолаан оҕолор астыммыттар этэ. Биир дойдулаахтарбытыгар умнуллубат түгэни бэлэхтээбиппититтэн үөрэбит. ✍🏻 Лена Петрова @gazetanyurba @ulusmedia