Бэс ыйын 16 күнүгэр Амма улууһун Абаҕа нэһилиэгин түһүлгэтигэр Үрүҥ Тунах Ыһыах үөрүүлэ... — 16 июня 2026 г. в 07:40:33.101
Бэс ыйын 16 күнүгэр Амма улууһун Абаҕа нэһилиэгин түһүлгэтигэр Үрүҥ Тунах Ыһыах үөрүүлээхтик бэлиэтэннэ. Ыһыах аһыллыытыгар ыраахтан-чугастан түмсүбүт дьон-сэргэ, ытык-мааны ыалдьыттар кыттыыны ыллылар. Ыһыах быйыл Амма улууһугар тыа хаһаайыстыбатын сылыгар, Абаҕа нэһилиэгэр Биир Сомоҕо уонна Үтүө сүбэһит сылыгар уонна тыа хаһаайыстыбатын биллиилээх туруу үлэһитэ, наставник, тренер Гаврил Михайлович Семенов төрөөбүтэ 80 сылыгар ананна. Ыһыах ыһар ытык чааһыгар Амма улууһун баһылыга Степан Николаевич Кузьмин кыттыыны ылла. Кини нэһилиэк олохтоохторун, ыалдьыттары уонна ыһыах тэрийээччилэрин эҕэрдэлээтэ, наҕараадалары туттарда. Абаҕа нэһилиэгин баһылыгын эбээһинэһин толорооччу Александр Павлович Дьячковскай эмиэ үөрүүлээх түгэҥҥэ кыттыыны ылла уонна наҕараадалары туттарда. Ыһыахха кыттыбыт ытык-мааны кырдьаҕастарга, ыллам-эдэр ыччаттарга, үлэһиттэргэ уруй-айхал этилиннэ. Абаҕа сирэ саргыланнын, дьоллоох түһүлгэ олохтоннун! Уруй буоллун! Айхал буоллун!