Амма улууһун үрүҥ тунах Ыһыаҕар түөлбэ түһүлгэ көрүүтүн күрэҕэ түмүктэннэ — 23 июня 2026 г. в 06:34:02.321
Амма улууһун үрүҥ тунах Ыһыаҕар түөлбэ түһүлгэ көрүүтүн күрэҕэ түмүктэннэ Бэс ыйын 21 күнүгэр Амма улууһун үрүҥ тунах Ыһыаҕын чэрчитинэн нэһилиэктэр икки ардыларыгар түөлбэ түһүлгэ көрүүтүн күрэҕэ буолан ааста. Күрэх сыала – нэһилиэктэр түһүлгэлэрин кэрэтин, нэһилиэк олохтоохторун сомоҕолоһуутун уонна талааннарын көрдөрүү. Улуус баһылыга Степан Николаевич Кузьмин түһүлгэлэри кэрийэн көрдө, нэһилиэк дьонун кытары көрүстэ уонна ыһыахха бэлэмнэнии үлэлэрин үрдүкү таһымнаахтык бэлиэтээтэ. Дьүүллүүр сүбэ (Неустроева С.П., Захарова М.Р., Константинова С.С., Цыпандина А.Н., Шадринова Р.Н.) 14 нэһилиэк түһүлгэтин көрөн сыаналаата. Улахан нэһилиэктэр икки ардыларыгар түмүктэр: 1. «Соморсун нэһилиэгэ» тыа сирин түөлбэтэ 2. «Сулҕаччы нэһилиэгэ» тыа сирин түөлбэтэ 3. «Болугур нэһилиэгэ» тыа сирин түөлбэтэ Кыра нэһилиэктэр икки ардыларыгар түмүктэр: 1. «Чакыр нэһилиэгэ» тыа сирин түөлбэтэ 2. «Чапчылҕан нэһилиэгэ» тыа сирин түөлбэтэ 3. «Эмис нэһилиэгэ» тыа сирин түөлбэтэ Амма улууһун дьаһалтата бары нэһилиэктэри күрэххэ көхтөөхтүк кыттыбыттарыгар махтанар уонна кыайыылаахтары эҕэрдэлиир!