Саалаах дьон сокуону, быраабыланы тутуһаргыт ирдэнэр! — 22 июля 2026 г. в 04:35:58.085
Саалаах дьон сокуону, быраабыланы тутуһаргыт ирдэнэр! Саалаах дьон манныгы тутуhаллара ирдэнэр: — Саа хаhаайына бэйэтин бас билэр саатын (докумуоннаах саатын) олорор дьиэтин иһигэр, туох баар ирдэбиллэри тутуhан, тимир сиэйпэ иһигэр хатаан туруоруохтаах, ону тэҥэ саа уонна ботуруоннар тус-туспа туруохтаахтар. — Саалаах киһи бултуур сиригэр ханнык баҕар көрүҥнээх тырааныспарынан барарыгар саатын анал чехолга илдьэ сылдьыахтаах. Маныаха саа иитиитэ суох буолуохтаах, ботуруоннара сааттан туспа сылдьыахтаахтар. Өскөтүн, саа анал чехола суох, эбэтэр чехол иһигэр иитиилээх сылдьар түгэнигэр, саа хаһаайына административнай эппиэтинэскэ тардыллар (ст. 20.12 КоАП РФ); — Саа хаһаайына өскөтүн саатын көҥүлүн болдьоҕо (РОХа – разрешение на хранение и ношение оружия) бүппүт түгэнигэр, туттара, дьиэтигэр уура да сытара көҥүллэммэт. Итинник түгэннэ саа хаһаайына административнай эппиэтинэскэ тардыллар уонна саата ИДЬМ отделыгар хранения ылыллар, (ст. 20.11, 20.10 КоАП РФ). Оннук түбэлтэ тахсыбатын туһугар, хаhаайын саатын көҥүлэ бүтүөн биир ый иннинэ хаhан баҕарар сайабылыанньа (докумуон) саатын көҥүлүн онотторон иһиэхтээх. Саа көҥүлүн медкомиссията срога 5 сыл, ол 5 сыла бүтэ илигинэ медкомиссия ааһан биэрэн иһэрэ булгуччулаах, хойутаатахха саа көҥүлүн ыларга мэһэйи үөскэтэр — Саалаах киһи бултуур кэмигэр сааны илдьэ, уура, харайа сылдьыы быраабылаларын, ирдэбиллэрин тутуһуохтаах, сааны ууга түһэрбэт, сүтэрбэт курдук дьаһанан сэрэхтээхтик илдьэ сылдьыахтаах, сааны сүтэрдэххэ административнай эппиэтинэскэ тардыллар (статья 20.8 ч.4.3 КоАП РФ) сааланар быраабын быһыллыан сөп. Дурдаҕа (сэhээккэҕэ) киирэн баран биирдэ саатын чехолтан хостуохтаах, бултаан бүттэ да, ботуруоннарын саатыттан хостуохтаах, иитиилээх да, иитиитэ суох да саатын дьон диэки туһаайара көҥүллэммэт. Массыынаттан эбэтэр тыыттан (лодкаттан) саатын ыларыгар утары өттүттэн ылбакка, туораттан ылыахтаах, дурдаттан саатын ыларыгар төһө да сааттан ботуруонун ылбытын иһин, эмиэ утары ылыа суохтаах. — Саа хаһаайына ханнык да түгэҥҥэ бас билэр (гладкоствольнай, нарезной) сааларын туора дьоҥҥо уларсара, биэрэрэ көҥүллэммэт. Ону тэҥэ онно-манна кистээн хаалларбакка, бэйэтин кытта илдьэ сылдьыахтаах. Бэрэбиэркэ кэмигэр итинник түбэлтэҕэ саалары полиция эбэтэр охотнадзор сотрудниктара ылаллар. Бу түгэҥҥэ саа хаһаайыныгар уонна илдьэ сылдьыбыт киhиэхэ административнай боротокуол туолар (ст. 20.8 ч. 4, 20.10 КоАП РФ) эбэтэр холуобунай эппиэтинэскэ тардыллыахтарын сөп (ст. 222 УК РФ); — Өскөтүн бэрэбиэркэ кэмигэр, булчут арыгы испит туруктаах саа илдьэ сылдьан түбэһэр түгэнигэр административнай эппиэтинэскэ тардыллар. Бу түгэҥҥэ ыстарааптанар, саата утилизацияҕа да барыан сөп (ст. 20.8 ч. 4.1 КоАП РФ); —Саалаах киһи бултаан кэллэҕинэ саатын ампаарга, күүлэҕэ, ыскаапка уо.д.а. сиргэ уурара көҥүллэммэт, тута сиэйпэтигэр угара булгуччулаах. Өскөтүн саата бэрэбиэркэ кэмигэр сиэйпэ таһыгар турар түгэнигэр, административнай эппиэтинэскэ тардыллар (ст. 20.8 ч. 4 КоАП РФ). Хомойуох иһин, сааһыттар бултаан кэлэн баран, дьиэлэригэр сааларын онно-манна ууран кэбиһэр түгэннэрэ баар буолааччы, сокуоннай саастарын ситэ илик оҕолор онон оонньоон, бэйэ-бэйэлэрин дэҥниир быһылааннара тахсыан сөп. Маннык быһылаан буолар түгэнигэр саа хаһаайына холуобунай эппиэтинэскэ тардыллар (ст. 224 ч. 1 УК РФ — небрежное хранение огнестрельного оружия, создавшее условия для его использования другим лицом, если это повлекло смерть человека или иные тяжкие последствия) уонна инникитин сааланар бырааба быһыллар. — Докумуона суох сааны, ол эбэтэр булан ылбыт, туора дьон биэрбит эбэтэр бэйэ икки ардыгар докумуона суох атыыламмыт, урукку докумуона суох эhэтиттэн, аҕатыттан хаалбыт сааларын дьиэлэригэр туруораллара да, бултуу бараллара да көҥүллэммэт, ону таhынан ботуруону бэйэ икки ардыгар батарар, ол эбэтэр бэлэх биэрии эмиэ көҥүллэммэт (незаконное хранение, передача, сбытогнестрельного оружия и патронов к нему), оннук сааны тута Росгвардия салалтатын иhинэн Амма оройуонун лицензионнай-көҥүллүүр үлэ