Абаҕа нэһилиэгэр саҥа баһылык инаугурацията буолла — 21 августа 2026 г. в 12:29:25.282
Абаҕа нэһилиэгэр саҥа баһылык инаугурацията буолла 2026 сыл от ыйын 30 күнүгэр Абаҕа нэһилиэгин дьокутааттарын V ыҥырыытын XXXV кэрийиитин мунньаҕар нэһилиэк баһылыгын быыбара буолан ааста. Мунньахха 13 дьокутаат бары кыттан, быыбар табыгастаахтык ыытыллыбыта. Быыбарга үс кандидат кыттыыны ылбыта: Алексеев Константин Михайлович, Дьячковскай Александр Павлович уонна Семенова Алена Васильевна. Кандидаттар нэһилиэк биэс сыллааҕы сайдыытын бырагыраамаларын дьокутааттарга таһаарбыттарын кэннэ, сабыс-сабыт куоластааһын ыытыллыбыта. Куоластары аахсыы түмүгүнэн Абаҕа нэһилиэгин баһылыгынан Дьячковскай Александр Павлович талыллыбыта. Александр Павлович — төрөөбүт нэһилиэгин олоҕор улаханнык сыһыаннаах, элбэх дьоҕурдаах салайааччы. 1992 сыллаахха Амма улууһун Абаҕа нэһилиэгэр Павел Павлович уонна Мария Егоровна дьиэ кэргэннэригэр үһүс оҕонон төрөөбүтэ. Аҕатын кытта бултка-алтка, балыктааһыҥҥа сылдьан, үлэҕэ-хамнаска улааппыта. 2009 сыллаахха Абаҕа агрооскуолатын бүтэрэн, Дьокуускайдааҕы медицинскэй колледжка үөрэммитэ. Үөрэҕин бүтэрэн баран Аармыйаҕа сулууспалаабыта. 2014 сылтан Абаҕатааҕы баһаарынай чааска караул начальнигынан, 2019 сылтан начальнигынан үлэлээбитэ. Александр Павлович — төрөөбүт нэһилиэгэр көхтөөхтүк үлэлиир, эр дьон түмсүүтүн салайааччытынан быыбарданан, улуустааҕы уонна өрөспүүбүлүкэтээҕи күрэхтэргэ ситиһиилээхтик кыттар. 2025 сылтан нэһилиэк баһылыгын эбээһинэһин толорооччунан анаммыта. Билигин Александр Павлович — эркин курдук эрэллээх дьиэ кэргэн аҕата, кэргэннээх, уоллаах уонна кыыстаах. Абаҕа нэһилиэгин дьокутааттара уонна олохтоохторо саҥа баһылыгы иккиэн өйөөн, нэһилиэк сайдыытыгар улахан эрэл-этигэл баарын бэлиэтээтилэр.