Ытыктабыллаах Амма улууһун олохтоохторо! — 26 августа 2026 г. в 01:13:06.244
Ытыктабыллаах Амма улууһун олохтоохторо! Күндү төрөппүттэр, убаастабыллаах оҕолор! Амма улууһун сокуоннай сааһын ситэ илик оҕолор дьыалаларыгар уонна кинилэр бырааптарын көмүскүүр хамыыһыйата сэрэтэр: "Оҕо куттала суох буолуута – барыбыт эбээһинэһэ!" Күндү төрөппүттэр! Оҕолоргутун айылҕаҕа, тыаҕа, ууга сылдьыыларын быраабылаларын мэлдьи үөрэтэ сылдьыҥ. Хас биирдии оҕо бу быраабылалары тутуһара олоххо-дьаһахха суолталаах: 1) Бииргэ сылдьыы: Оҕо хаһан да соҕотоҕун, улахан дьоно суох тыаҕа барбата ордук. Оҕолорго быһааран биэриҥ: "Тыаҕа хаһан да соҕотох барыллыбат!". 2) Эрдэттэн былааннааһын: Тыаҕа эбэтэр ууга барар буоллахтарына, төһө кэминэн кэлэллэрин чуолкайдык быһаарыҥ. 3) Сибээс: Оҕолорго сотовай төлөпүөннээх буоллахтарына, төлөпүөннэрин мэлдьи зарядтара иитиилээх буоларын хааччыйыҥ. Суолга барар буоллаххытына, суолларын, ханна бааргытын иһитиннэрэр эбээһинэстээхтэрин үөрэтиҥ. 4) Сэрэтии тылларын үөрэтии: Оҕолоргутугар сүттэхтэринэ, тугу гыныахтаахтарын үөрэтиҥ: • Паникаҕа киирбэккэ, чуумпуруу. • Аҕаларын-ийэлэрин аатын, төлөпүөн нүөмэрин билэллэрин ситиһиҥ. • Чуолкай сири булларыҥ (улахан мас, таас, суол), онтон хамсаабатахтарын курдук сүбэлээҥ. • Үөһээттэн көстөр гына ыраас, чаҕылхай таҥастаах сылдьалларын хааччыйыҥ. 5) Айылҕа кутталлаах өрүттэрин үөрэтии: Уу тымныытын, тыаҕа мунуу кутталлааҕын, үөн-көйүүр, дьиикэй кыыллар баалларын быһаарыҥ. Оҕолоргутун харыстааҥ!