Биир Дойдулаах Байыастарбытыгар — Өйөбүл Уонна Махтал! — 6 июня 2026 г. в 04:01:37.791
Биир Дойдулаах Байыастарбытыгар — Өйөбүл Уонна Махтал! Бэһэҕээ, бэс ыйын 5 күнүгэр, Горнай улууһун баһылыга Никита Викторович Андреев Тула куоракка биир дойдулаах байыаспытыгар — Станислав В. кытта көрсөн сэһэргэһэн санаатын истэн, төрөөбүт дойдутун кэһиитин туттарда. Уолбут Гуляй поле спецзаданиеҕа сылдьан эчэйиини ылан билигин санаторийга эмтэниини ааһар. Станиславка күүстээх санааннан, этэҥҥэ буолууну баҕарабыт. Бу дьоһуннаах үлэҕэ күүс-көмө буолбут, Москва куоракка олорор, үлэлиир биир дойдулаахпыт Сидоров Родион Радомировичка Горнай улууһун дьаһалтатын уонна бар-дьонун аатыттан барҕа махталбытын тиэрдэбит. Кини көмөтүнэн көрсүһүү тэриллиитэ олус табыгастаахтык ааста. Ону таһынан, биир дойдулаах уолаттарбытыгар сылаас, минньигэс дьиэ аһын бэлэмнээн ыыппыт Горнай улууһун далбар хотуттарыгар улуус дьаһалтатын аатыттан улахан махталбытын тиэрдэбит! Эһиги ис сүрэхтэн тахсар үтүө санааҕыт, сылаас аскыт байыастарбыт доруобуйаларыгар уонна санааларыгар олус туһалаах буолла. Уолаттарбытыгар түргэнник үтүөрүүнү, чэгиэн туругу баҕарабыт!