🌿Бэс ыйын 19 күнүгэр Саха сиригэр сири олохтооһун 260 сыллаах үбүлүөйүн чэрчитинэн ыыт... — 20 июня 2026 г. в 14:38:42.552
🌿Бэс ыйын 19 күнүгэр Саха сиригэр сири олохтооһун 260 сыллаах үбүлүөйүн чэрчитинэн ыытыллыбыт Горнай улууһун сиргэ сыһыаннаһыы үлэһиттэрин, бэтэрээннэрин Үрүҥ Тунах ыһыаҕа үрдүк таһымнаахтык буолан ааста. ✅Ыһыах ыҥырыылаах ыалдьыттарынан буоллулар: - “Горнай улууһа” муниципальнай оройуон баһылыга Никита Викторович Андреев - "Горнай улууһа" муниципальнай оройуон депутаттарын улуустааҕы Сэбиэтин председателэ Маргарита Гаврильевна Константинова - Саха Республикатын баай-буол уонна сир сыьыаннаьыыларын министерствотын сиргэ сыьыаннаьыы департаменын салайааччыта Айаал Альбертович Ильин - Госкомзем салайааччытынан үлэлээбит Алла Афанасьевна Попова - Росреестр ветераннарын сэбиэтин бэрэссэдээтэлэ Степанида Спиридоновна Пахомова - Республиканскай БТИ салайааччыта Руслан Николаевич Винокуров - Республиканскай БТИ кадастровай отделын салайааччыта Анастасия Васильевна Николаева - Улууска бастакы землеустроителинэн улэлээбит Григорьев Павел Иннокентьевич төрөппүт кыыЬа Наталья Павловна Васильева. - уонна тыа сирин түөлбэлэрин баһылыктара, муниципальнай оройуон баһылыгын солбуйааччылара, инники кэмҥэ үлэлээбит нэһилиэк бэтэрээн землеустроителлэрэ, араас сылларга үлэлээбит исписэлиистэр, бииргэ алтыһан үлэлии сылдьар Росреестр, МФЦ коллективтара, кадастровай инженердар. ✨ Үөрүүлээх чааска бу салааҕа өр кэмҥэ үлэлээн, дьоһун кылааттарын киллэрсибит дьоммутугар, билигин сиргэ, баайга-дуолга сыһыаннаһыыга үлэлии сылдьар исписэлиистэргэ на5араадалар, махтал суруктар туттарылыннылар, эҕэрдэ тыллар этилиннилэр. 🎤🎼 Ыһыах үөрүүлээх, эҕэрдэлээх чаастарын култуура эйгэтин талааннаах үлэһиттэрэ иилээн-саҕалаан ыыттылар, мааны куоластарынан, ылбаҕай ырыаларынан, кэрэ нарын үҥкүүлэринэн, ойдоруулаах оһуохайынан киэргэтэн, ыалдьыттар сүргэлэрин көтөхтүлэр. 🌿Ыһыахха Саха таҥаһын күрэҕэ дьон сэҥээриитин, биһирэбилин ылла. Кыйыылаахтар уу харчынан, техническай былааны оҥотторуу, “Учур” ма5аһыын сертификаттарынан наҕараадаланнылар. Хамаанданан спортивнай күрэххэ бэтэрээннэргэ күрэх кыайыылаахтара юбилейнай мэтээлинэн уонна ИП Степанов А.И., ИП Чемезова Е.А.туруорбут межевой былааҥҥа сертификаттарынан, иккис миэстэлээхтэр ДВ гектар сири ыларга сертификаттарынан наҕараадаланнылар. Эдэрдэр 1 миэстэҕэ мэтээл уонна "Кырсаада" сынньанар дьиэҕэ сертификат туттулар, 2 миэстэҕэ - "Бэйэ-дьоно” кафе5а сертификат. 📚 Тэрээһиҥҥэ П.Д.Аввакумов аатынан киин библиотеканы кытта холбоһуктаах "260-летие землеустройства в Якутии" диэн Саха сиригэр сири олохтооһун, сиргэ сыһыаннаһыы историятын, сайдыытын сырдатар кинигэ, хаартыска быыстапката туран, ыалдьыттар болҕомтолорун тарта. 👏🏼 Горнай улууһун сиргэ сыһыаннаһыы үлэһиттэрин, бэтэрээннэрин Үрүҥ Тунах ыһыаҕа үрдүк таһымҥа ыытылларыгар күүс-көмө, өйөбүл буолбут ытык-мааны дьоммутугар, бииргэ алтыһан үлэлиир тэрилтэлэрбитигэр улуус дьаһалтатын, Горнай улууһун сиргэ-баайга сыһыаннаһыытын тэрилтэтин коллективын ааттарыттан итии-истиҥ махтал тылларбытын тиэрдэн туран, баҕарабыт эһиэхэ тус олоххутугар дьолу-соргуну, чэгиэн-чэбдик доруобуйаны, ситиһиилэри #Ысыах2026 #260летиеЗемлеустройствавЯкутии ✨ Новости. События. Жизнь района. Подписывайтесь на нас в MAX и ВКонтакте #Ысыах2026 #260летиеЗемлеустройствавЯкутии