🌾✨ Үрүҥ Тунах Ыһыаҕынан! ✨🌾 — 17 июня 2026 г. в 12:20:34.107
🌾✨ Үрүҥ Тунах Ыһыаҕынан! ✨🌾 Быйылгы Мытаах нэһилиэгин ыһыаҕа ураты тэрээһиннээхтик уонна үрдүк таһымнаахтык ыытылынна. Бу сыл бэлиэ датыларынан баай: Арассыыйаҕа — Сомоҕолоһуу, Саха Өрөспүүбүлүкэтигэр — Култуура, Горнай улууһугар — Доруобуйа сылларыгар уонна улууспут төрүттэммитэ 95 сыллаах үбүлүөйүгэр ананна. 🤝 Ыҥырыылаах бочуоттаах ыалдьыттар: Ыһыахпытын улуус баһылыга Никита Андреев, кини солбуйааччылара (Сардана Стручкова, Мария Максимова, Николай Дьяконов), Саха норуодунай суруйааччыта С.П. Данилов кыыһа Варвара Данилова, улуустааҕы култуура управлениетын начальнига Вероника Быганова, ЦРБ кылаабынай бырааһа Егор Григорьев, куораттан уонна Бэрдьигэстээхтэн кэлбит биир дойдулаахтарбыт түмсүүлэрэ уонна нэһилиэк ытык кырдьаҕастара киэргэттилэр. 🎖 Үөрүүлээх чаас уонна наҕараадалар: Нэһилиэк сайдыытыгар үлэлээбит бастыҥ дьоммутугар наҕараадалар туттарылыннылар: Иван Егорович Петровка (нэлэһиэк баһылыгар) — Д.Н. Жиркова аатынан бириэмийэ уонна СӨ Ыччат министерствотын Махтал суруга. Ольга Осиповаҕа (ФАП), Матрена Кычкинаҕа («Колокольчик» уһуйаан), Алексей Тимовеевка (ЖКХ) — Улуус баһылыгын Махтал суруктара. Семен Иванович Тимофеевка (сэрии оҕото, бэтэрээн) — «Мытаах нэһилиэгин бочуоттаах олохтооҕо» аат. Николай Валериевич Дьяконовка (улуус баһылыгын солбуйааччыта) — «Мытаах нэһилиэгин сайдыытыгар кылаатын иһин» бэлиэ. Эмиэ бу күн 2026 сыл 1-кы аҥаарыгар үбүлүөйдээх саастарын туолбит олохтоохторго нэһилиэк дьаһалтатын аатыттан сэмэй бэлэхтэр туттарылыннылар. 🏆 Күрэхтэр уонна тэрээһиннэр: Ыһыах күн араас интэриэһинэй күрэхтэр күөстүү оргуйдулар: Түөлбэлэр икки ардыларыгар ураһаны киэргэтиигэ «Өбүгэ быстыбат ситимэ» куонкурус; Оскуолаҕа киириэн иннинээҕи оҕолорго «Боотурдар оонньуулара» уонна «Сир сиэдэрэй симэхтэрэ» күрэхтэр; «Уруйдан оһуохай» аһаҕас күрэх; Спортивнай көрүҥнэргэ: мас тардыһыыта, хапсаҕай уонна түөлбэнэн эстафета сүүрүүтэ. Уруй-туску, айхал-мичил! ☀️🎉 ✨ 🚀Новости. События. Жизнь района. Подписывайтесь на нас в MAX https://max.ru/id1411003560_gos и ВКонтакте https://vk.com/gorny_ulus