Бүтүн улуус дьаһалтатын аатыттан уонна тус бэйэм ааппыттан Бэрдигэстээх сэлиэнньэтин ту... — 24 июня 2026 г. в 06:21:41.081
Бүтүн улуус дьаһалтатын аатыттан уонна тус бэйэм ааппыттан Бэрдигэстээх сэлиэнньэтин тупсарыыга, кэрэ көрүҥүн өссө чэчирэтиигэ улахан кылааттарын киллэрбит улууспут мааны урбаанньыттарыгар уонна тэрилтэлэригэр ис сүүрэхтэн барҕа махталбын биллэрэбин! Бэс ыйын 19 күнүгэр туора турбакка Бэрдигэстээхтээҕи Култуура уонна сынньалаҥ пааркатыгар уопсайа 338 метр уһуннаах суол үрдүн саҥардан өрөмүөннээһин үлэтэ ситиһиилээхтик түмүктэннэ. Төрөөбүт сиргитигэр уонна нэһилиэккитигэр ууран биэрбит сыралаах үлэҕит, ураты болҕомтоҕут — төрөөбүт дойдуга истиҥ сыһыан уонна кыһамньы үтүө холобура буолар. Уопсай үлэ, үтүө дьыала туһугар бэйэҕит күүскүтүн уонна кыаххытын уурбуккутугар улахан махтал! Билигин паарка устун хаамсыы олохтоохторго уонна улууспут ыалдьыттарыгар өссө ордук кэрэ, табыгастаах буолуоҕа. Нэһилиэкпит туһугар үтүө дьыаланы олохтообут ытык дьоммутугар: Павел Афанасьевич Петровка («Горный Спортинг» ООО); Николай Жоржович Бельдыга («Амгор» ООО); Алексей Христофорович Павловка; Вячеслав Игнатьевич Татариновка; Николай Ефимович Прохоровка. Эһиэхэ куруук үрдүк ситиһиилэри, чэгиэн туругу, этэҥҥэ буолууну уонна былааннаабыт үлэлэргит куруутун ситиһиилээхтик олоххо киирэллэригэр баҕарабын! ✨ 🚀Новости. События. Жизнь района. Подписывайтесь на нас в MAX и ВКонтакте