Ытыктабыллаах Николай Иванович, — 19 августа 2026 г. в 00:10:20.109
Ытыктабыллаах Николай Иванович, "Горнай улууһа" муниципальнай оройуон дьаһалтатын уонна тус бэйэм ааппыттан 60 сааскын туолбут үтүө дьоро күҥҥүнэн итиитик-истиҥник эҕэрдэлиибин! Төрөөбүт дойдубут чэчирии сайдарын туһугар үрдүк таһаарыылаахтык үлэлээн-хамсаан, ситиһиилээхтик салайан, дьон-сэргэ олоҕо тупсарыгар араас элбэх өрүттээх үлэни ыытан бэйэн сүҥкэн кылааккын киллэрсибиккэр дириҥ махталбытын тириэрдэбит. Үрдүк таһымнаах салайааччы быһыытынан киэҥ далааһыннаах үлэни ыыппыккынан, дьонуҥ иннигэр ытык иэскин ситиһиилээхтик толорбуккунан киэн туттабыт, үтүө холобур оҥостобут. Тус бэйэҕэр уонна чугас дьоҥҥор чэгиэн доруобуйаны, этэҥҥэ буолууну, бары саҕалааһыннарга салҕыы ситиһиилэри, барытыгар табыллыыны уонна дьолу соргуну баҕарабыт! Инникитин даҕаны дууһаҥ сылааһа намыраабатын, үтүө санааҥ уҕараабатын, ылсыбытыҥ ыпсарыллын, толкуйдаабытыҥ туоллун, дьонуҥ-сэргэҥ махтала эйиэхэ тосхойо туруохтун! Эҕэрдэни кытта, "Горнай улууһа" МО баһылыга Н.В. Андреев