🏃♀️Бүгүн "Чыпчаал" стадиоҥҥа Ирина Осипова - Кондакова, биир дойдулаахпыт, МВД уонна ... — 15 августа 2026 г. в 06:13:55.557
🏃♀️Бүгүн "Чыпчаал" стадиоҥҥа Ирина Осипова - Кондакова, биир дойдулаахпыт, МВД уонна МЧС үлэһиттэрин ортолоругар аан дойдуга, Европаҕа чемпионка, "Бегомир" сүүрүү кулуубун төрүттээччи, Бэрдьигэстээх олохтоохторугар маастар-кылаас ыытта. Олус сэргэх, чахчы туһалаах уонна сонун маастар-кылаас буолан ааста. Саҕаланыытыгар Ирина Осипова сүүрүүгэ хайдах кэлбитин туһунан кэпсээтэ, тус бэйэтин уопутун үллэһиннэ, үгүс дьон ыйытыытыгар эппиэттээтэ. Ол курдук сүүрүүк аһылыгын, таҥаһын-сабын туһунан сүбэ-ама биэрдэ. Эрчиллиигэ сүүрүү тиэхиникэтин туох баар ымпыгын-чымпыгын быһааран көрдөрдө. Ирина бэйэтэ тириэнэр буолан хас биирдии киһиэхэ туспа подходтаах, кинилэр күүстээх өрүттэрин таба көрөн ону хайдах сайыннаралларыгар сүбэ биэртэлээтэ. Кэлбит дьон ортотугар буолаары турар полумарафоҥҥа кыттыахтаах сүүрүүктэр баар этилэр. 💚Түмүккэ дьон истиҥ көрсүһүү, маастар-кылаас иһин Иринаҕа махтал тылларын эттилэр.