🌟Бүгүн, балаҕан ыйын 3 күнүгэр, Аһыма бөһүөлэгэр дойду социальнай газификация бырагыра... — 3 сентября 2026 г. в 05:51:17.104
🌟Бүгүн, балаҕан ыйын 3 күнүгэр, Аһыма бөһүөлэгэр дойду социальнай газификация бырагырааматынан "Одуванчик" оҕо уһуйааныгар Саха сиригэр биир бастакынан "Сылаас" гаас котелын үөрүүлээх холбонуутун тэрээһинэ ыытылынна. 🔹Владивостоктан Форумтан Ил Дархан Айсен Николаев Кировскай нэһилиэк олохтоохторун эҕэрдэлээтэ. Уһук Илин экономическай форумун чэрчитинэн видеонан быһа холбонон уһуйаан сэбиэдиссэйэ Дарья Парникова эҕэрдэлээн тыл эттэ. 🔹Саҥа гаас котел уһуйааны сылаас оттугунан хаааччыйдын диэн Кировскай Сынньалаҥын дьиэтин уус-уран салайааччыта Айтал Винокуров алгыһы толордо, "Даҕай"бөлөх кыттааччылара, олохтоохторо алгыска кытыннылар. 🔹Нэһиэлиэк олохтоохторун улуус аҕа баһылыга Никита Андреев, СӨ ыччат дьыалаларыгар уонна социальнай коммуникацияларга миниистирэ Петр Шамаев, "Сахатранснефтегаз" кылаабынай инженерын солбуйааччыта Петр Данилов, нэһилиэк баһылыга Савва Данилов, уһуйаан сэбиэдиссэйэ Дарья Парникова эҕэрдэлээтилэр. Ылбаҕай ырыаларын уһуйаан кырачаан иитиллээччилэрэ, оскуола оҕолоро, Прокопий Федоров, Айтал Винокуров, Софья Алексеева анаатылар. Үөрүүлээх тэрээһин Дархан этээчи Прокопий Федоров оһуокайынан түмүктэннэ.