💠Улууска музейдар материальнай техническэй базаларын тупсарарга туһуламмыт улуус уонна... — 30 сентября 2026 г. в 03:17:30.088
💠Улууска музейдар материальнай техническэй базаларын тупсарарга туһуламмыт улуус уонна нэһилиэктэр кыттыһыылаах "горизонтальнай" субсидиянан быйыл биһиги Кировскай нэһилиэгэ туһанан музей-библиотекабыт саҥа дьиэтэ ситэриллэн үлэҕэ киирдэ. 🎉Үөрүүлээх арыллыыта балаҕан ыйын 28 күнүгэр буолан ааста. 🔹Нэһилиэк дьаһалтата 2023 сылтан саҕалаан ыыппыт үлэлэрэ музейнай фонда сөптөөхтүк харалларыгар, библиотека-музейга дьон сылдьарыгар инфраструктура, усулуобуйа тэриллэригэр туһуланна. 🔹Ол курдук музей-библиотекабыт урукку дьиэтэ эргэрэн аварийнай туруктаммытыгар, бастаан чааһынай дьиэни атыылаһан музей-библиотека оҥорорго документациятын бэлэмнээһин барбыта. Салгыы акылаатын, сарайын уларытыы үлэтин олохтоох урбаанньыт Кириллов Василий Валерианович, быйыл музей-библиотека ис бараанын, олбуорун Леонтьев Илья Николаевич биригээдэлэрэ оҥордулар. Улуус салалтатын араас программаларыгар конкурска кыттан, утары олохтоох бюджеттан үбүлээһин көрөн бу үлэлэр кэмигэр оҥоһүллан олоххо киирдилэр. 🔹Сылаас, ыраас, благоустройстволаах дьиэҕэ көһөн үлэлииргэ, сылдьарга сөптөөх усулуобуйа тэриллибититтэн үөрэбит. Саҥалыы оҥоһуллубут дьиэҕэ киирбиттэринэн библиотекарбытын Аина Васильевнаны, музейбыт үлэһитин Александра Фёдоровнаны истиҥник эҕэрдэлиибит. Баҕарабыт дьолу-соргуну, үлэҕэ саҥа саҕахтары, үрдүк ситиһиилэри. Аргунова С.В., Кировскай нэһилиэгин баһылыгын солбуйааччы