💠Ытыктабыллаах Алексей Семенович, — 29 сентября 2026 г. в 03:58:13.068
💠Ытыктабыллаах Алексей Семенович, “Горнай улууһа” муниципальнай оройуон дьаһалтатын аатыттан Октябрьскай нэһилиэк баһылыгынан талыллыбыккынан итиитик-истиҥник эҕэрдэлиибит. Олохтоохторун уонна депутааттарын итэҕэллэрин ылан үһүс төгүлүн талыллыбытын, Эн нэһилиэгин туһугар таһаарыылаахтык үлэлээн-хамнаан, ситиһиилээхтик салайан, дьон-сэргэ олоҕо тупсарыгар араас элбэх өрүттээх үлэни ыытан кэлбиккин туоһулуур. Нэһилиэнньэ, улуус социальнай-экэнэмиичэскэй сайдыытыгар бэйэҥ улахан кылааккын киллэрсибиккин, уопуккун, сатабыллаах салайааччы быһыытынан үтүөҕүн сыаналаан, улахан эрэллэрин биллэрэн талбыттарыттан астына бэлиэтиибит. Нэһилиэк, улуус социальнай-экэнэмиичэскэй сайдыыларын бырагырааммаларыгар туруоруммут улууспут сайдыытын суолталаах сыалларын ситиһэргэ, улуус олохтоохторун уйгулаах олохторун үрдэтэргэ өссө даҕаны үлэлэһиэхпит диэн бигэ эрэллээхпит. Салайааччы быһыытынан суолун-ииһиҥ өссө үрдэллэрдээх буоллун, кэҥээн, кэскиллэнэн иһиэхтин! Эйиэхэ үтүө доруобуйаны, ситиһиилээх үлэни, дьолу-соргуну уонна бары үтүөнү баҕарабыт!