⛽️Мэҥэ Хаҥаласка уматыгынан хааччыйыы боппуруоһа хонтуруолга сылдьар
⛽️Мэҥэ Хаҥаласка уматыгынан хааччыйыы боппуруоһа хонтуруолга сылдьар Мэҥэ Хаҥалас улууһугар уматыгынан хааччыллыы боппуруоһа ураты болҕомтоҕо сылдьарын улуус баһылыгын инфраструктура уонна ОДьКХ боппуруостарыгар солбуйааччы Василий Филиппов иһитиннэрдэ. «Мэҥэ Хаҥаласка бүгүҥҥү күҥҥэ бэнсиин, уматык боппуруоһа уустук эрээри заправка барыта үлэлии турар. Ол курдук, Майаҕа "Туймаада Нефть" заправката уу харчынан уонна баан каартатынан кута олорор. "СибОйл" Майаҕа уматык каартатынан эрэ кутар. Уонна Аллараа Бэстээххэ "Саханефтегазсбыт" заправката уу харчынан уонна баан каартатынан оптизаправкаҕа бенсиини 20 л баахха уонна дизельнай уматыгы 200 л баахха атыылыыр. Ону тэҥэ "Туймаада Нефть" бенсиини уу харчынан атыылыыр. 20 лиитирэттэн 30 лиитирэҕэ диэри хааччахтаах. Онон ити хайысхаҕа үлэ тохтоло суох бара турар. Улуус үрдүнэн уматыгынан хааччыйыы боппуруоһа хонтуруолга сылдьар. Билигин окко киирэр хаһаайыстыбаларбыт бары уматыгы хаһаанан олороллор. Ол да буоллар сорох хаһаайыстыбалар уматык өттүгэр боппуруостарын күн бүгүҥҥэ диэри быһаарса сылдьаллар», – диэн улуус баһылыгын инфраструктура уонна ОДьКХ боппуруостарыгар солбуйааччы Василий Филиппов эттэ.