БАҺААРТАН СЭРЭХТЭЭХ БУОЛУУ ИРДЭБИЛЛЭРИН ТУТУҺУОХХА — 10 июля 2026 г. в 07:36:15.134
БАҺААРТАН СЭРЭХТЭЭХ БУОЛУУ ИРДЭБИЛЛЭРИН ТУТУҺУОХХА От ыйын 10-13 күннэригэр, улууспутугар тыаҕа ыксаллаах бэһис кылаастаах баһаар куттала үөскээтэ. Самаан сайыммыт куйаас күннэрэ сатыылаан турар кэмнэригэр ойуурга уот тахсар куттала биллэ улаатар. Маннык тыа баһаара үөскүүр кутталлаах кэмигэр бөҕү-сыыһы уматыы, тыаҕа, сиргэ аһаҕас уоту туттуу булгуччу бобуллар. Баһаар тахсыбатын туһугар хас биирдии киһи айылҕаҕа сылдьан уоттан сэрэхтээх уонна болҕомтолоох буолара ирдэнэр. Санатан эттэххэ, уоту ыыппыт буруйдаах быһаарыллар түгэнигэр холуобунай эппиэтинэскэ тардыллар, ону тэҥэ сокуонунан баһаарга үлэлээбит дьон хамнаһын, бараммыт үбү барытын уйунар. Баһаартан сэрэхтээх буолуу быраабылаларын кэһээччилэргэ РФ Административнай кодексынан ыстараап олохтонор. Чааһынай дьоҥҥо ыстараап кээмэйэ 5 000-15 000 солкуобай, дуоһунастаах сирэйдэргэ 20 000-30 000 солкуобай, юридическэй сирэйдэргэ 300 000-400 000 Ону тэҥэ тыа баһаара үөскүүр ураты үрдүк кутталлаах кэмигэр административнай ыстараап чааһынай дьоҥҥо – 10 000-20 000 солкуобай, дуоһунастаах сирэйдэргэ 30 000-60 000 солкуобай уонна юридическэй сирэйдэргэ 400 000-800 000 солкуобайга үрдүүрүн санатабыт. Ытыктабыллаах улууспут дьоно-сэргэтэ, биир дойдулаахтарбыт уонна ыалдьыттар! Бука барыгытын олорор сирбитин-уоппутун харыстааммыт баһаартан сэрэхтээх буоларгытыгар ыҥырабыт! Мэҥэ Хаҥалас улууһун дьаһалтатын пресс-сулууспата