БАҺЫЛЫГЫ КЫТТА ТУС КӨРСҮҺҮҮ — 6 июля 2026 г. в 03:57:27.206
БАҺЫЛЫГЫ КЫТТА ТУС КӨРСҮҺҮҮ Бүгүн, от ыйын 6 күнүгэр, улуус баһылыга Дмитрий Тихонов дьонун-сэргэтин кытта тус көрсүһүүтэ буолла. Баһылыгы кытта аһаҕас кэпсэтиигэ араас боппуруостарынан биэс көрсүһүү ыытылынна. Улуус таһымнаах туруорсуулары, этиилэри иһиттибит, олохтоохтор мунаарар боппуруостарыгар хоруйдары ыллылар. Маннык үтүө үгэс буолбут тус көрсүһүүлэр салалта нэһилиэнньэни кытта ыкса үлэлэһэригэр, олохтоохторбут баар кыһалҕаларын быһаарарга тустаах салааларынан үлэ барарыгар сүрүн төһүү, быстыспат ситим буолар. Баһылыгы кытта тус көрсүһүү эрдэттэн суруттарыы быһыытынан ыытыллар. Көрсүһүүгэ сылдьыан баҕалаахтар улуус дьаһалтатын приемнайыгар +7(41143)47-895 эрийэн сүрүн кыһалҕаҕытын, ыйытыыгытын чопчулаан туран суруйтараргыт ирдэнэр. Мэҥэ Хаҥалас улууһун дьаһалтатын пресс-сулууспата