«МЫНДЫР СААС» ДЕКАДА САҔАЛАННА
«МЫНДЫР СААС» ДЕКАДА САҔАЛАННА Бүгүҥҥүттэн, алтынньы 1 күнүттэн, Аан дойдутааҕы аҕам саастаах дьон күнүн чэрчитинэн «Мындыр саас» улуустааҕы декада саҕаланна. Тэрээһин алтынньы 9 күнүгэр диэри ыытыллыаҕа. Декада тосхоло: * Алтынньы 1 күнэ — Майа сэлиэнньэтигэр «Үһүс саас оскуолата» үөрэх дьылын арыйар. * Алтынньы 5 күнэ — «Билиибин көрүүбүн ыччаппар аныыбын» бэтэрээннэр хамсааһыннара оскуолаларга «Дьоһуннааҕы кэпсэтии» уруоктарыгар кыттыахтара. * Алтынньы 8 күнэ — «Манчаары» успуорт уораҕайыгар XX төгүлүн улуус бэтэрээннэрин спартакиадата ыытыллыаҕа. * Алтынньы 9 күнэ — Үүнэр көлүөнэни патриотическай өйгө-санааҕа иитиигэ туһуламмыт «Билиибин-көрүүбүн ыччаппар аныыбын» куонкурус түмүктэрэ тахсыаҕа. Декада устата аҕам саастаах дьоҥҥо көмөлөһөр сыаллаах тимуровскай үлэлэр тиһиктээхтик ыытыллыахтара. Тэрээһин аҕам саастаах дьон уопсастыбаҕа оруолларын үрдэтэр, кинилэр уопуттарын, билиилэрин-көрүүлэрин ыччакка тиэрдэр, көлүөнэлэр ситимнэрин бөҕөргөтөр соруктаах. Мэҥэ Хаҥалас улууһун пресс-сулууспата