Тыа сирэ сайдыыта олуга – олохтоох дьон дьарыктаах, үчүгэй дохуоттаах буолуута. Куорат ...
Тыа сирэ сайдыыта олуга – олохтоох дьон дьарыктаах, үчүгэй дохуоттаах буолуута. Куорат сиригэр-уотугар силис тардыбыт дьоммут үрдүкү хаачыстыбалаах бородууксуйаны сиэн-аһаан быр-бааччы олороро табыгастааах. Бу мантан тахсар, аныгы олох тэтимэ, доруобайабыт, төрүт дьарыкпыт, сирбит-уоппут көрүллэн турара. Оннук бородууксуйаны республикабыт тыа хаһаайыстыбаларын кооперативтара оҥорон таһаарарга үлэлэһэллэр. Биир оннук таһаарыылаахтык, араас күчүмэҕэйдэри ааһан туран, «Хоту» диэн кооператив үлэтин тэринэн олорор. Тэрилтэни 1999 сылтан Иван Ильич Максимов бэрэссэдээтэллээн олорор. Бу сайын сайылыктарыгар, ас астыыр, сүөһү өлөрөр сирдэрин хайдах курдук үчүгэйдик тэринэн олороллорун көрдүм, билистим. Үлэ күннээҕинэн эрэ муҥурдаммакка, төһө кыалларынан кэм ирдэбилигэр эппиэттэһэн, дьоҥҥо үүттэн, эттэн араас бородууксуйа таһаарарга үлэлииллэрэ киһи хараҕын үөрдэр. Бүгүн тэрилтэҕэ 50-чэ хамнастаах үлэһит үлэлиир-хамсыыр. Тыа сиригэр дьон дьарыктаах, туһалаах тус идэлэрэнинэн айахтарын ииттэн олороллор. Дьокуускайтан чугас сытары туһанан, үүт-эт аһа куоракка хамаҕатык атыыга барар. Куораттар бэйэбит үрдүк хаачыстыбалаах табаардарбытын ылан тыабыт дьонун өйүүргэ! Бүгүн тыа хаһаайыстыбатын уонна бородууксуйаны оҥорон таһаарар бырамыысыланнас үлэһиттэрин күнэ! Этиллибит уонна суруллубут эҕэрдэ тылларыгар кыттыһан туран – ситиһиини, бородууксуйа арааһа үксүү турдун, хаачыстыба куруук үрдүк буоллун!