БЫРАЙЫАКТАРЫ ТАЛЫЫ САҔАЛАННА
БЫРАЙЫАКТАРЫ ТАЛЫЫ САҔАЛАННА Бу күннэргэ улууспут бары нэһилиэктэригэр 2027 сылга олохтоох көҕүлээһини өйүүр бырагыраама чэрчитинэн бырайыактары талыы саҕаланна. 2018 сылтан бу бырагыраама нөҥүө биһиги улууспутугар уопсайа 622 мөлүйүөн суумалаах 292 бырайыак үлэҕэ киирдэ. Быйыл улууспут үрдүнэн 35 бырайыак олоххо киирдэ. Ол курдук, 8 нэһилиэккэ суол үлэтэ, 6 нэһилиэккэ «Тупсаҕай көстүүлээх эйгэни тэрийии» бырагырааманан тутуулар, 4 нэһилиэккэ сайыҥҥы уу ситимин киллэрии, 3 сырдатыы уонна да атын үлэлэр ыытылыннылар. Быйылгы сылга биир сүрүн уратынан маассабай успуорду көҕүлээһиҥҥэ бырайыактары талыы буолбута. Ол курдук, атырдьах ыйыгар Майа сэлиэнньэтигэр Татьяна Юрьевна Жиркова аатынан сүүрүүгэ марафон ыытыллыбыта. Сэтинньи 6-8 күннэригэр Аллараа Бэстээххэ үлэ кэлэктииптэрин икки ардыларыгар спартакиада ыытыллара былааннанар. Улууспут бары олохтоохторун кэлэр сыллааҕы бырайыактары өйүүргэ, нэһилиэктэрбит тупсаҕай көстүүлээх, табыгастаах буолалларын туһугар куйаар ситиминэн кэлэр куоластааһыннарга уонна ыытыллар мунньахтарга көхтөөхтүк кыттаргытыгар ыҥырабыт!