Сонуннар: — 14 июня 2026 г. в 11:35:23.395

Сонуннар: Бүгүн, бэс ыйын 14 күнүгэр, Үөһээ Бүлүү нэһилиэгин ытык-мааны Түгэхтэй, Кыырт дала сиригэр ыытыллыбыт Үөһээ Бүлүү улууһун түмсүүлэрин ыһыаҕар биһиги нэһилиэкпит киэн туттар "Күбэйэ" түмсүүтүн Далбар Хотуттара ситиһиилээхтик кыттан, үөрэн-көтөн, сүргэлэрэ көтөҕүллэн кэллилэр! Кинилэр бу үөрүүлээх күҥҥэ айылҕалыын алтыһан, сахалыы тыынынан сэргэхсийэн, күүс-уох эбинэн, аламай күн сыламынан алгыстанан, нэһилиэкпит аатын көмүскээтилэр. Ол курдук : "Умнуллубат сылабаарга чэйэ" чох сылабаар өрүүтүн күрэҕэр, "Солкоҕо, хаарыска сууланан" 50-60 сыллардааҕы сахалыы таҥас көрүүтүгэр, араас омук үҥкүүлэрин бөлөҕүнэн толоруу күрэҕэр, "Харахпытынан хайҕаһан туойсуох эрэ дьиэрэччи" туойсуу күрэҕэр дьоһуннаахтык кытыннылар. Бу маннык түмсүүлээх, көхтөөх буолуу – нэһилиэкпит сайдыытын, сомоҕолоһуутун көстүүтэ буолар. "Күбэйэ" түмсүү Далбар Хотуттарын инникитин даҕаны көхтөөхтүк биир сомоҕо буолан нэһилиэкпит аатын ааттата, үгүс ситиһиилэри, үрдүк чыпчааллары дабайа туруҥ диэн баҕа санаатыбытын тиэрдэбит !