🌿☀🌿☀🌿☀🌿☀🌿☀🌿 — 29 мая 2026 г. в 06:49:44.654

🌿☀🌿☀🌿☀🌿☀🌿☀🌿 Бүгүн, ыам ыйын 29 күнүгэр, Дьаархан сиригэр-уотугар үгэс буолбут, аҕам саастаахтарга аналлаах, Сайыны көрсөр биир кэрэ бэлиэ тэрээһин буолан ааста. 🤗🤗🤗🤗🤗 Бүгүҥҥү күҥҥэ күн дьыл даҕаны олус табылынна – аламай күн сылаастык мичээрдээн☀️, чэбдик салгын эйэҕэстик сипсийэн, айылҕа бэйэтэ даҕаны бырааһынньыкка бэлэмнэммит курдуга.🌿 Аҕам саастаахтарбыт үөрэн-көтөн, ырыанан-тойугунан доҕуһуолланан, көрдөөх оонньуулары оонньоон, үҥкүүнү оройуттан тутан, дуоһуйа сынньаннылар. ✨✨✨✨✨✨✨✨ Элбэх дьон-сэргэ мустан, биир сомоҕо буоларбытын өссө төгүл көрдөрдүбүт. Бу күн санаабытын сэргэхситэн, бэйэ-бэйэҕэ сылаас сыһыаны үөскэтэн, умнуллубат үөрүүлээх түгэннэри бэлэхтээтэ. ✨✨✨✨✨✨✨✨ Кэрэ түгэммитигэр Ороһу нэһилиэгин эр бэртэрэ улахан кылааттарын киллэрдилэр. 👏🏻 Бүгүҥҥү кус миинигэр, ыҥырыыбытын ылынан элбэх кус аҕаллылар. 👍🏻 "Үтүө майгыҥ, амарах санааҥ - көтөр кынатыҥ!" - диэн мээнэҕэ эппэттэр! Махтал үтүө санаалаах эр бэртэрбитигэр, булчуттарбытыгар! 🙌🏻🙌🏻🙌🏻🙌🏻🙌🏻🙌🏻🙌🏻 Махтал, бары мааны ыалдьыт буолан тэрээһиммитин киэргэппит, аҕам саастаахтарбытыгар уонна көмөлөспүт дьоммутугар! 🙌🏻🙌🏻🙌🏻🙌🏻🙌🏻🙌🏻🙌🏻 Маннык үтүө үгэстэр, кэлэр да сылларга салҕанан, дьону үөрдэ көтүтэ туруоҕа. ✨✨✨✨✨✨✨✨ "Ороһу нэһилиэгэ" тыа сирин түөлбэтин дьаһалтата. Г. Г. Николаев аатынан сынньалаҥ киин.