Кичә Мөслимдә Хәрби хәрәкәтләр ветераннары көненә багышланган чаралар узды. Тантаналы м... — 2 июля 2026 г. в 10:04:14.118
Кичә Мөслимдә Хәрби хәрәкәтләр ветераннары көненә багышланган чаралар узды. Тантаналы митингта район башлыгы Альберт Хуҗин, Алтай Республикасыннан районыбызга эшлекле сәфәр белән килгән кунаклар исеменнән Михаил Маргачев, Чечен конфликты ветераннарының район хәрәкәте җитәкчесе Айдар Гибадуллин ветераннарыбызга һәм бүгенге көндә дә илебез сагында торган хәрбиләргә рәхмәт сүзләрен җиткерделәр, горурлануларын белгерттеләр. Батырларны бер минут тынлык белән искә алганнан соң, чарада катнашучылар һәйкәлгә чәчәкләр салдылар. Бу көнне Усаклык авылында да мөһим чара булды. Махсус хәрби операция зонасында һәлак булган райондашыбыз Утябаев Валерий Викторович истәлегенә ул яшәгән йортта мемориаль такта ачылды. Тантаналы чарага район җитәкчелеге, хәрбинең әтисе, туганнары, авылдашлары җыелды. Якыннары аның хакында истәлекләр белән бүлештеләр. https://vk.ru/album-204018005_311444610