Гаилә, мәхәббәт һәм тугрылык көне уңаеннан һәм "Татарстанда җәй" проекты кысаларында ра... — 8 июля 2026 г. в 12:06:23.576
Гаилә, мәхәббәт һәм тугрылык көне уңаеннан һәм "Татарстанда җәй" проекты кысаларында районыбызда яшәүче үрнәк гаиләләрнең берсе булган Низамовлар (бу көннәрдә 60 еллык гаилә бәйрәмнәрен билгеләп үтәләр), шулай ук 40 ел бергә гомер итүче Салиховлар гаиләләре тәбрикләнде 👏🏼 Мөслимнең "Бәхет" скверында Гаилә, мәхәббәт һәм тугрылык көненә багышланган чара үтте. Чарада җирлегебезнең үрнәк гаиләләре, мөслимлеләр катнашты. Район башлыгы Альберт Хуҗин чарада катнашучыларны бәйрәм белән тәбрикләп, ихлас теләкләрен җиткерде. Илгиз һәм Роза Низамовлар һәм Эльсуяр һәм Фәридә Салиховлар "Мәхәббәт һәм тугрылык өчен" медале белән бүләкләнде. Ихтирамга лаек бу гаиләләрне гомер бәйрәмнәре белән ихластан котлыйбыз, озын, бәхетле, тигез тормыш, ныклы сәламәтлек телибез! Барлык райондашларыбызны да Гаилә, мәхәббәт һәм тугрылык көне белән тәбрик итәбез! Илләребез имин, гаиләләребез нык булсын! Фотолар: https://vk.ru/album-204018005_311480692 #ЛЕТОВТАТАРСТАНЕ #АЙДАГУЛЯТЬ