Күрэс оонньууларын тыына билиннэ! Ньурбалар "Тэтим" араадьыйа долгунугар ыалдьыттаатылар — 4 июля 2026 г. в 00:14:25.139
Күрэс оонньууларын тыына билиннэ! Ньурбалар "Тэтим" араадьыйа долгунугар ыалдьыттаатылар Долгутуулаах уонна улахан суолталаах түгэн чугаһаан иһэр! От ыйын 7 күнүгэр СӨ норуоттарын IX күрэс оонньууларыгар анаммыт, Ньурба-Дьокуускай куораттары ситимнээн телемарафон тэриллээри турар. Аны биир эрэ сылынан 2027 с. Ньурба сиригэр-уотугар IX Норуоттар Оонньуулара саҕаланар! 📻 Итинэн ситимнээн, от ыйын 3 к. "Тэтим" араадьыйа долгунугар Ньурба улууһун бас-көс дьоно, салайааччылара ыалдьыттаатылар. Быһа эпииргэ кинилэр кэлэр Оонньууларга бэлэмнэнии хаамыытын, кэскилин туһунан сэһэргэстилэр. ✔️ Оонньуулар тула кэпсэтиигэ СӨ норуотун дьокутаата В.М. Прокопьев, Ньурба оройуонун култуураҕа уонна ыччат бэлиитикэтигэр департаменын салайааччыта Р.М. Тихонова уонна К.Д. Уткин аатынан Ньурбатааҕы Норуоттар доҕордоһуулара түмэл салайааччыта А.А. Туманова кыттыыны ыллылар. 🔉 Владимир Михайлович Оонньуулар эбийиэктэрин туһунан сиһилии сырдатта, кэлэр кэскилбит туһунан эрэли үксэттэ. Розалия Михайловна кэлэр Оонньууларга анаммыт култуурунай, айымньылаах тэрээһиннэр олус киэҥ далааһыннаах программатын туһунан кэпсээтэ. Анна Андреевна Ньурба улууһуттан тахсыбыт биллиилээх, улуу спортсменнар, кинилэр ситиһиилэрин туһунан сырдатта. 🔺Кэпсэтии быһа эпиир нөҥүө ыытыллан, өрөспүүбүлүкэ олохтоохторо элбэх кэккэ ыйытыылары биэрдилэр. Бу Норуоттар Оонньуулара Ньурба улууһун сүргэтин өссө үрдэтиэҕэ, дьонун-сэргэтин күүһүн түмүөҕэ! Түмэл пресс-сулууспата