Ытыктабыллаах Ньурба оройуонун олохтоохторо! Күндү биир дойдулаахтарбыт! — 9 сентября 2026 г. в 12:01:41.107
Ытыктабыллаах Ньурба оройуонун олохтоохторо! Күндү биир дойдулаахтарбыт! «Ньурба оройуона» МО дьаһалтатын уонна оройуон дьокутааттарын Сүбэтин аатыттан эһигини Марха өрүс күнүнэн итиитик-истиҥник эҕэрдэлиибит! Бу бэлиэ күн оройуон дьокутааттарын Сүбэтин 2024 с. бэс ыйын 13 күнүнээҕи быһаарыытынан, «Марха өрүһү көмүскээччилэр» уопсастыбаннай тэрилтэ уонна судаарыстыбаннай экология кэтэбилин Ньурбатааҕы кэмитиэтин этиилэринэн олохтоммута уонна төрөөбүт дойдутун таптыыр, кини кэскилин туһугар кыһаллар дьону холбуур. Марха өрүс олохпутугар дьоһун суолталаах: уубутун ханнарар, балыгынан-булдунан хатаҕалыыр эрэ буолбатах, Эбэ тардыытыгар баар ГОК-тарга Арассыыйа алмааһын баһыйар үксэ хостонор. Биһиги уопсай ытык иэспит – бэйэбит кэннибититтэн кэлэр көлүөнэлэргэ айылҕаны, тулалыыр эйгэни чөллөөх хаалларыах тустаахпыт. Бүгүн Бүлүү уонна Марха өрүстэр кытылларыгар бу бэлиэ күҥҥэ аналлаах тэрээһиннэр, ол иһигэр субуотунньуктар ыытыллаллар. Манна кыттар дьоҥҥо, эһиэхэ барыгытыгар истиҥ махтал! Марха өрүспүт инникитин даҕаны биһигини өрүү үтүө дьыалаҕа көҕүлүү туруохтун. Эһиэхэ кытаанах доруобуйаны, дьолу-соргуну, ситиһиилэри уонна этэҥҥэ буолууну баҕарабыт! «Ньурба оройуона» МО баһылыга А.М.ИННОКЕНТЬЕВ. «Ньурба оройуона» МО дьокутааттарын Сүбэтин бэрэссэдээтэлэ Н.М.МИХАЙЛОВА.