Бүген, көзнең иң матур көнендә, Саба үзәк китапханәсендә Мөхәммәт Мәһдиевнең тормыш һәм...
Бүген, көзнең иң матур көнендә, Саба үзәк китапханәсендә Мөхәммәт Мәһдиевнең тормыш һәм иҗат юлы буенча әдәби квиз үткәрелде. Баксаң, китапханәдә һәр ай саен язучы яки шагыйрь иҗаты буенча әдәби кафеда квиз үткәрелә икән. Чираттагысы Мөхәммәт Мәһдиевкә багышланган. Гади генә түгел: иң беренче шәхескә карата лекция тыңлыйлар. Бу юнәлешне үтү өчен алар М.Мәһдиев музеена килделәр, тулы экскурсия тыңладылар. Аннан әсәрләре буенча өч көнлек марафон оештырганнар. Язучының әсәрләреннән иң отышлы дип тапкан фикерне язып алып аның буенча дискуссия оештыралар, әсәрләрен кабат-кабат укып чыгалар һәм, ниһаять, әдәби квизга җыелып, командаларга бүленеп, алдан планлаштырылган раундларны үтәләр. Катнашучылар районның өлкәннәре һәм китапханәчеләр. Җиде бүлектән торган квизда миңа жюри әгьзасы булып катнашырга туры килде. Биремнәр Мөхәммәт Мәһдиевнең шәхси тормышына да, иҗатына да кагыла һәм алар мәгьнәле, бәйләнешле булуы отышлы дип саныйм. Командалар сынатмадылар, тырышып әзерләнгәннәр, хәтта кайбер катнашучылар язучы белән бәйле һәр вакыйганы белә, күңеленә сеңдергән. Бу урында аларга афәрин дип кенә алкышларга кала. Әдәби квиз М.Мәһдиев әсәрләрен сәхнәләштереп, моңлы җырлар белән үрелеп, чәй өстәле артында бүләкләүләр, фикер алышулар белән тәмамланды. Әдәби кафеда мондый чаралар оештыру - татар әдәбиятына карата мәхәббәт тәрбияли, укучы күңелен сафландыра, яңа мәгьлүматлар белән тулыландыра, эзләнүләргә этәрә, бердәмлекне арттыра. #АрскКультура #МәһдиевМузее #КазанАртыМузее