Бүген якташыбыз, күренекле галим, ветеринария фәннәре докторы, профессор, шагыйрь, “Рос...
Бүген якташыбыз, күренекле галим, ветеринария фәннәре докторы, профессор, шагыйрь, “Россия Язучылар берлеге” гомумроссия җәмәгать оешмасының “Татарстан Республикасы Язучылар берлеге” төбәк җәмәгать оешмасы әгъзасы Рифат Җамалның туган көне - 75 яшьлек юбилее! Рифат Җамал - фән дөньясында тирән эз калдырган, ветеринария өлкәсендә зур ачышлар ясап, дистәләгән галимнәр тәрбияләгән бөек укытучы һәм остаз. Шул ук вакытта, татар җанлы, күңелләрне тетрәндергеч әсәрләр иҗат итүче олуг шагыйребез, каләм остасы. Күптән түгел татар әдәбиятын үстерүгә зур өлеш кертүе һәм күпьеллык иҗади эшчәнлеге өчен Татарстан Республикасының “Фидакарь хезмәт өчен” медале белән бүләкләнде. 📚 Якташыбызның “Күңел сүрәләре”, “Ташта үскән чәчәкләр”, “Өзгәләнмә, күңел...”, “Янсын йөрәк дөрләп...”, “Мин адәм баласы” исемле һәм башка китапларын халкыбыз яратып укый. 💐 Хөрмәтле якташыбыз! Сезгә чын күңелдән ныклы сәламәтлек, күңел тынычлыгы, озын гомер телибез! Чиксез талантыгыз белән алга таба да фәнебезне һәм татар әдәбиятын баетуга бәрәкәтле өлеш кертүегезне теләп калабыз! #АрскКультура #ӘдәбиятҺәмСәнгатьМузее #КазанАртыМузее