Читекчеләр эзләре буйлап Урта Сәрдәгә сәяхәт! 🍂
Читекчеләр эзләре буйлап Урта Сәрдәгә сәяхәт! 🍂 Өлкәннәр ункөнлеге кысаларында «Казан арты» музее хезмәткәрләре Урта Сәрдә авылына сәяхәт кылды. Бу сәфәрнең төп максаты — элеккеге читек-чүәк артелендә хезмәт куйган осталар белән танышу иде. 🎞 Очрашу барышында артельнең үткәне турында күп кенә кызыклы мәгълүматлар тупланды, шулай ук тарихи фотосурәтләрнең күчермәләре музей фондына кабул ителде. Әлеге кыйммәтле материаллар киләчәктә күргәзмәләребезне баетырга һәм яшь буынга милли мирасыбызны җиткерергә зур ярдәм булачак. Урта Сәрдә авылы халкына җылы кабул итүләре һәм истәлекләре белән уртаклашулары өчен чиксез рәхмәтебезне белдерәбез! Сезнең ярдәм белән тарихыбыз саклана һәм яши! 💞 #АрскКультура #КазанАртыМузее #музей_фонды #фотоларда_арча_тарихы