Музей музыки и фольклора народов Якутии им. А.П. Решетниковой
Лайфстайл · 20 мая 2026 г.
☀️Бүгүн сааскы сайаҕас аламай күҥҥэ Аиза Решетникова аатынан Саха сирин норуоттарын муу...
☀️Бүгүн сааскы сайаҕас аламай күҥҥэ Аиза Решетникова аатынан Саха сирин норуоттарын муусукатын уонна фольклорун түмэлигэр өрөспүүбүлүкэҕэ Ырыа күнүн көрсө композитор-мелодист, СӨ култууратын үтүөлээх үлэһитэ, СӨ норуодунай артыыһа, саха ырыатын сайдыытыгар олук уурсубут общественнай деятель Алексей Кириллович Калининскайы-Луҥха Өлөксөйү кытта көрсүһүү буолла.🎼🪗🎤 Кэлбит ыалдьыттар ырыа алыптаах эйгэтигэр куустаран, Алексей Кириллович айымньылаах үлэтин, айбыт ырыаларын тула сэргэх кэпсэтии таҕыста. Көрсүһүүнү киэргэтэн Мария Шапошникова, Николай Спиридонов, Вячеслав Попов, Терентий Егоров саҥа ырыаларын сүрэхтээтилэр, ону тэҥэ поэттар Афанасий Гуринов, Мария Решетникова, Михаил Егоров ырыа туһунан тус санааларын үллэһиннилэр. 💐💐💐🌈☀️ Бүгүҥҥү Ырыа күнүн уруйдуур көрсүһүү Иван Гоголев тылларыгар «Барыта үчүгэй» ырыаны күргүөмүнэн толоруунан түмүктэннэ. Луҥха Өлөксөйгө өссө да кэрэ, алыптаах муусуканы айа, дьону-сэргэти үөрдэ турарыгар баҕарабыт!👏🏻👏🏻👏🏻 📌Биһигинниин бииргэ буолун: https://max.ru/id1435031824_gos МАХТАЛ МАХтал #МузеймузыкиифольклоранародовЯкутии #Якутскаямузейнаянеделя #ГодкультурывЯкутии #ГодединстванародовРоссии