*Туймаадабыт ыһыаҕа.*
*Туймаадабыт ыһыаҕа.* Сыалаах сылгы этиттэн Үтүллүбүт үтэһэлээх Кыынньар кымыс утахтаах Туймаадабыт ыһыаҕа. Дойдум сирин дьонноро Үөрүҥ көтүҥ бу бүгүн Үс хатыҥҥа ыһыахпыт Буолар күнүн уруйдаан. Аарыма улуу кырдьаҕас Аргыый хааман бу кэллэ Айыылардыын алтыһан Алҕаан уотун аһатта. Мааны далбар хотуммут Тахсан тойук туойбута Үрдук мэҥэ халлааҥҥа Күөрэгэйбит ылласта. Оһуокайдьыт оҕонньор Үҥкүүтүгэр ыҥырда Кэрии тыаҕа кэҕэ этэн Тэбис -тэҥҥэ чоргуйда. Кыталыкка холоонноох Кэрэ-нарын кыргыттар Көтөн –дайан киирэннэр Дьиэрэҥкэйдээн тэйдилэр. Эрийэ хаппыт иҥиирдээх Мадьынылар киирдилэр Утарыта олорон Мадьыктаһан бардылар. Эдэр кыанар уолаттар Күннэригэр сылдьаллар Сүүрэн кэлэн тоҕус туоска Атах оонньоон көттүлэр. Хапсаҕайдьыт бөтөстөр Утарыта турдулар Чугуруҥнуу барбакка Тутуһан тустан бардылар. Күүстээх Дьөгүөр сиэннэрэ Модьу- таҕа уолаттар Сымара тааһы көтөҕөн Сылайдылар кыратык. Киэһэ сөрүүн түһүүтэ Киэҥ нэлэмэн алааска Аттар ууна түстүлэр Аатырдылар бастыҥнар. Сарсыардааҥҥы күнү көрсө Ыһыах дьоно сырытта Ити курдук салҕанар Туймаадабыт ыһыаҕа. *Били киһи*