Национальная библиотека Республики Ингушетия им Дж. Х. Яндиева
Образование · 26 мая 2026 г.
Кинижкай тархенна — 26 мая 2026 г. в 18:40:06.308
Кинижкай тархенна хьалхашка яьзъяь стихаш Библиотека, библиотека. Цхьанне я йоах из синошта аптека, Цхьаькхане из Iилман элгац да йоах, Хьаькъала хьаст ба оал кхоалагIчо цох. Укх цIагIа кинижкаш гулденнад дукха. Уж деша эттача – айву цар лакха. ХIарадар царех – хьаькъала лагIа... Волале урагIа! ГIатта, ма вагIа! Кинижко моллагIвар хьаькъал чу воалаву, Хьаькъалдар кинижко сийленга кхоачаву, Совдоаккх цо дикадар, эккхаду зулам. Цудухьа без вайна кинижкай гуллам. Езачоа хул цох син йола аптека, Дезачоа – элгац, Iилмашта текъа, Эшачоа – аьттув говзалга кховда, Лехачоа – бIасийна хьастара шовда. Вахар вай хала да, кхел я вай къаьра. Аьттув вай барг ма бац дешарца мара! Кинижкай гулламо тIахьех вай деша. Дешарца ергья вай къиза кхел эша! Деша, са доттагIа! Боккъала, деша! Ноакастхой Хаваж