🌼 Июль 8-тиң хүнүнде бүгү Россияга «Өг-бүле, ынакшыл болгаш шынчы чоруктуң хүнүн» демд... — 8 июля 2026 г. в 09:06:19.614
🌼 Июль 8-тиң хүнүнде бүгү Россияга «Өг-бүле, ынакшыл болгаш шынчы чоруктуң хүнүн» демдеглеп эрттирип турар. Ук байырлалды бир дугаар 2008 чылда – өг-бүле чылында эрттирип эгелээн. Кижи бүрүзүнүң чуртталгазы өг-бүледен эгелээр. Өг-бүле кайы-даа үеде ниитилелдиң кол өзээ болур. Ынчангаш өг-бүлеге тураскааттынган байырлалдарның тыптып келири анаа эвес. 💫 Бо онзагай хүнге тураскаадып чурт-шинчилел чогаалының болгаш национал библиография килдизиниң ажылдакчылары Кызылдың хоочуннар болгаш инвалидтер бажыңынга талантылыг болгаш үлегерлиг аныяк өг-бүлениң төлээлери Айгор Игорь-оглу, Белекмаа Андреевна Көшкендейлер-биле солун ужуражылганы эрттирген. Олар 2025 ч. «Чылдың өг-бүлези» деп конкурска идепкейлиг киришкеш, «Чаңчылдарны кадагалап аттырган өг-бүле» деп номинацияның эдилекчилери болганнар. ❤ Ужуражылганың эгезинде талантылыг өг-бүле боттарын таныштырып база эрттирикчилерниң салган айтырыгларынга солун харыыларны берген. Бо үеде өг-бүле 3 уругларлыг, удавас 4 дугаар өпеязының төрүттүнүп келирин манап турарлар. Олар Тываның база бир үлегерлиг өг-бүлези. Кайызы-даа башкы эртемниг. Өгнүң ээзи Айгор Игорь-оглунуң ынак үлегер домаа – «Аът болуру кулунундан, кижи болуру чажындан». Бо үлегер домак бо үеде, шынап-ла аныяк өг-бүлелерге ажы-төлүн кижизидеринге улуг ужур-дузалыг. ✨ Аныяк талантылыг өг-бүле дыңнаксанчыг хөөмей, ырызын хоочуннарга бараалгатканнар. Ужуражылганың эрттирикчилери болгаш хоочуннар аныяк өг-бүлеге быжыг, чараш ынакшылды, аас-кежикти, чаптанчыг уруглары ава-ачазының чоргааралы болуп, орлан-шоваа өзерин катап-катап көзеп чугаалааннар. #НационалНомСаңы #ӨгБүле #Ынакшыл #ШынчыЧорук #Көшкендейлер