🎉🌼 Люндуп Тамара Монгушовнаның 80 харлаанынга — 13 июля 2026 г. в 08:09:06.827
🎉🌼 Люндуп Тамара Монгушовнаның 80 харлаанынга Өндүр бедик билиглерниң Өргүп четпес шыгжамыры. Өшпес чырык отчугажын Өөскүткен номнар саңы! Бодунуң мергежилиниң хыын тыпкан, культураның хоочуну Люндуп Тамара Монгушовна – А. С. Пушкин аттыг Национал ном саңының шылгараңгай, бедик мергежилдиг, билдилиг ажылдакчызы. Ооң чедип алган мергежилинге сонуургалдыын, туруштуун, сеткилинден бердингенин күш-ажыл дептеринде «А. С. Пушкин аттыг ном саңынче ажылга хүлээп алган» деп чаңгыс бижик бо хүннерге чедир таңмаланып артканы бадыткал. Тамара Монгушовнаның уран чүүлге, ном саңының ажылынга киирген үре-түңнелдиг ажылы күрүне шаңналдарынга төлептиг болган. Ол РФ-тиң культуразының тергиин ажылдакчызы» (1981), «Уран чүүлге чедиишкиннери» (1998) деп хөрек демдектериниң, А. С. Пушкин аттыг ном саңының, Тываның болгаш Россияның культура яамыларының, Дээди Хуралдың Хүндүлел бижиктери-биле хөй удаа шаңнаткан. «Күш-ажылдың хоочуну» (1997) медальдың эдилекчизи, Тыва Республиканың культуразының алдарлыг ажылдакчызы (1996). Ол 1946 ч. июль 13-те Кызыл хоорайга, ада-иезиниң 2 дугаар уруу болуп төрүттүнген. Ачазы Люндуп Монгуш Наадынович амыдыралында оруктарының хөй кезиин «Шын» солунга журналистеп эрттирген. Бичии Тамараның солун сеткүүлге, номнарга сонуургалы ачазының хүн бүрүде кылып турган ажылындан ужуктулган. Бичиизинден-не номчуттунарынга аажок, ачазының эккелген солуннарын номчуур турганын бо-ла сактыр. Авазы Валентина Дамбаевна даарынылга фабриказының ус-шеверлекчилериниң бирээзи турган. 🖇 Материал долузу-биле бистиң ВК арынывыста