📚Тыва Республиканың Улустуң чогаалчызы Э. Б. Мижиттиӊ 65 харлаан оюнга тураскааткан «Ы...
📚Тыва Республиканың Улустуң чогаалчызы Э. Б. Мижиттиӊ 65 харлаан оюнга тураскааткан «Ынакшылдыӊ чаӊгызы» деп шиизи В. Көк-оол аттыг Тываныӊ Национал театрынга октябрь 18-те болуп эрткен. А. С. Пушкин аттыг Национал ном саӊыныӊ ажылдакчылары В. Көк-оол аттыг Тываныӊ национал театрынга «Ховар салым-чаяанныг чогаалчы» деп дөрт кезектиг делгелгени кылганнар. Делгелгеде чогаалчыныӊ бижээн орус, тыва дыл кырында номнары: «Бузундулар» (1992), «Казыргылыг кудуктуң кыйгызы» (2002), «Кара-Дагның казыргызы» (2003), «Бɵдүүн одуруглар» (2006), «Туман ɵттүр отчугаштар» (2008), «Ɵргүл» (2010), «Расколотый миг»: верлибры (2011), «Течик» (2014, 2015), «Кто ты, Субедей-Багатур?» (2019), «Амыдырал, амыдырал…» (2023), «Чажыт чырык» (2024), шиилери, тыва дылче очулгалары, «Улуг-Хем» сеткүүлге үнген очерктери база чогаалчыга бижээн эртемденнерниӊ үнелелдери салдынган. А. С. Пушкин аттыг Национал ном саӊы сураглыг чогаалчы Эдуард Баировичиниӊ номнарын сонуургап номчуурунче чаладывыс.