🎭Уран чүүл болгаш күш-культура чогаалының килдизиниң ажылдакчылары В. Ш. Көк-оол аттыг...
🎭Уран чүүл болгаш күш-культура чогаалының килдизиниң ажылдакчылары В. Ш. Көк-оол аттыг Национал хөгжүм-шии театрының салым-чаяанныг, аныяк артизи Сай-Дажы Найдан-биле хөгжүм-ырлыг ужуражылганы эрттиргеннер. Сай-Дажы театрда шии артизи болурундан аңгыда, тыва-даа, орус-даа шүлүктерни аянныг номчуп, көрүкчүлерниң мөгейикчилерниң сонуургалын чаалап ап турар. Оожум, тааланчыг хөгжүм аялгазынга үдеттирген аянныг шүлүк номчулгазының күүселдези Аржаан Ооржактың “Четтирдим” деп шүлүүнден эгелээн. Аянныг номчаан шүлүктериниң аразында Э. Мижиттиң “Сээң оттуг көрүжүңден бедик”, “Сарыым сеңээ бир-ле дугаар”, “Чырыыр”, Е. Евтушенконуң “Людей неинтересных нет”, Э. Асадовтуң “Любовь и трусость”, Р. Рождественскийниң “Человеку надо мало” дээн ышкаш, оон-даа өске шүлүктерни Сай-Дажы Валерьевна удаа-дараа көрүкчүлерге бараалгадып, магадаткан. Шүлүктерни аянныг номчааш-ла, ооң утказын сайгарып, көрүкчүлер-биле удур-дедир ажык чугааны чорутканы солун болган. Э. Мижиттиң “Чырыыр” деп шүлүүнүң соонда, дыңнакчылар ооң утказын кым, канчаар билип алганы-биле үлешкеннер. Орус дылда аянныг кылдыр номчаан чамдык шүлүктерниң тыва дылче очулгазын кылгаш, номчуп күүседир болза, улам-на таарымчалыг болурун саналдаан. Келген мөгейикчилерниң аразындан ооң чаңгыс чер-чуртуу Антон Даржааевич бодунуң чогааткан шүлүүн аянныг номчаан. Ужуражылганың төнчүзүнде Сай-Дажы Найдандан мөгейикчилери сонуургаан айтырыгларын салып, театрга хамаарышкан үзел-бодалдары-биле үлежип, амгы үеде мергежилинге бердинген салым-чаяанныг артисттерниң чонну эки чүүлдерже углап-баштаарынга улуг салдары хөй дээрзин дамчытканнар. Ужуражылганың төнчүзүнде келген аалчылар артист-биле төөгүлүг чуруктарга тырттырышканнар. Чуруктарны адаанда ссылкадан көөр