Оҥоһуу өй сахалыы суруйарын туһугар - Текст.якт платформа 📲
Оҥоһуу өй сахалыы суруйарын туһугар - Текст.якт платформа 📲 Бу платформа оҥоһуу өй булбут сахалыы тиэкистэрэ, тыллара төһө сөпкө суруллубутун бэрэбиэркэлииргэ ананар. Онон, бу бырайыак сахалыы сиэрбистэри, бырагыраамалары сайыннарар, оҥоһуу өй сахалыы тиэкиһи үрдүк таһымнаахтык суруйарыгар көмө буолар сыаллаах. «Билигин аныгы технология сыыһата суох сахалыы тиэкиһи “суруйары” ситиһэ илик. Онон, хас биирдии киһи аҕыйах мүнүүтэ иллэҥ кэмин бу бырайыакка анаатаҕына, оҥоһуу өй сахалыы ыраастык суруйар буоларыгар төһүү күүс буолан, тус кылаатын киллэриэ этэ. Ийэ тылбыт сүппэтин, киэҥ эйгэҕэ, көлүөнэттэн көлүөнэҕэ тарҕана турарын туһугар, оҥоһуу өй сахалыы суруга-бичигэ сайдарыгар куус-көмө буолуоҕуҥ!», - диэн бу платформаны оҥорбут үлэһиттэр бэлиэтииллэр. Бу сигэнэн ➡️ https://text.nlrs.ru/ киирэн, түөрт муннукка бэриллибит тыллары көрөн, төһө сөпкө суруллубутун бэрэбиэркэлээҥ, сыыһалаах буоллаҕына, көннөрүҥ диэн Сахабыт сирин олохтоохторун ыҥырабыт!