Аарлығ чир-суғҷылар! — 31 августа 2026 г. в 09:49:48.833
Аарлығ чир-суғҷылар! Л. Р. Кызласовтың адынаң Хакас национальнай чир-суғ ӱгренҷең музей ӱртӱн айының 5‑ҷі кӱнінде ааллап хығырча. Хакасияның ӧӧн музейі Хакас тілі кӱніне паза саблығ чарыдығҷы, этнограф паза амғы хакас тілінің тӧстегҷілерінің пірсі Степан Дмитриевич Майнагашевтің 140 чазына чарыдылған «Тӧреен тіл – чоның кӱзі! Родной язык – сила народа!» улуғ культура-чарыдығлығ мероприятие (чазы хоостыра – 0+) иртірче. Музей аалҷыларны 14:00 частаң 18:00 часха теере удурлир. Чон кибір-чозахтарын, чайаачызын, наука істезіглерін паза тіріг чоохты піріктірчеткен пай программа тимнелче: 14:00-14:30 чч., ӧӧн ізіктернің крілезінде – мероприятие пайрамни азылар; 14:40-17:30 чч., кӧзее тастар залында – «Тус тахтазы: кимдегі руна пічиинең, Степан Майнагашевтең пасти пістің кӱннерге теере» азых ӱзӱріг орны мероприятиенің ӧӧн ачығы полар. Анда специалисттер хакас тілінің тилізінің ӧӧн чардыхтарын ӱзӱрерлер, ол санда пурунғы пічік кибірлерін, амғы ӱгредігдегі паза культурадағы тоғыс оңдайларын; 14:45-17:30 чч., «Соляр» сувенир садығ туразында – «Сувенир кибірліг культураны ал чӧрчеткен ниме-ноо чіли: турист ниме-ноозын тӧстирінде тілнің тузазы» эксперт тоғазиинда араласчылар лингвистика ис-пайы регион брендін тӧстиріне, сувенир киреен паза Хакасияның туристтер хайиин тилідеріне хайди теелчеткенін ӱзӱрерлер; 14:40-17:30 чч., «Чабрец» кафеде – «Алыптығ нымахтағы кибір-чозахтар» азых чоохтазығ; 15:00-17:30 чч., «Чабрец» кафеде – Хакасияның ӧӧн музейлері хакас тілінең чапсых экскурсияларынаң таныстырарлар. «Ӧбекелер тілі экспонаттарда» чӧрімге хозылып, олар тархынны сын ӱнінең истерге паза тархын ис-пайын чон культуразы пастыра кӧрерге оңдай пирчелер; 14:00-18:00 чч., лифттер алнында – «Алтын стол» хакас чон чиизінің садығ орны; 14:00 – 18:00 чч., музейнің фойезінде – улуғларға даа, кічіглерге дее устар ӱгредиинің ачығы тимнелче: 📍 Н.Г. Доможаковтың адынаң Хакас национальнай библиотека аймах чоннар ойыннарынаң таныстырар паза ойнирға ӱгредер; 📍 «Хакас чирі» газетаның редакциязы газетаның македін тимнирінең таныстырар; 📍«Тобит» паза «Хазых» стол ойыннарынҷа мастер‑класстар иртер; 📍«Хоорай» тархынны нааҷылаҷаң клуб «Ӱстӱнзархы Сибирьнің чаалары» кӧзідіг иртірер; 📍Хакасиядағы чайаачылар туразы «Хакас тілі пайы» хакас тілінең литература кӧзідіг‑садиин тимнир паза пасхазы. «Чоохтап пир» («Пос кадрын чайапчам») видео алғыстас пасчаң орын тоғынар. Анда полған на аалҷы позының айланызын хакас тілінең пас полар. Кірері тикке. Хакасияның ӧӧн музейі республиканың чуртағҷыларын паза аалҷыларын пу кӱнні пір сағыстығ кізілер аразында иртірерге, ӧбекелернің ис-пайынаң чағын танызып, Хакасияның хайхастығ культура кодын хайраллирына хозым идерге хығырча. ❗Программада алызығлар поларға айабас.