КЫЛЫҺАХ-КЫРЫЫМПА КЭБЭЭЙИ ЫТЫК СИРИГЭР — 7 июля 2026 г. в 04:56:53.681
КЫЛЫҺАХ-КЫРЫЫМПА КЭБЭЭЙИ ЫТЫК СИРИГЭР XIX төгүлүн ыытыллыбыт Олоҥхо ыһыаҕын Кэбээйигэ үөрүүлээх сабыллыытыгар, кылыһах-кырыымпаҕа күөн-күрэс кыттыылаахтара 100 киhи буолан түмсэн, күргүөмүнэн «Дьиэрэтии», «Кэбээйи оһуохайа», «Кэбээйи дорҕооно» матыыптары толордулар😍 Быйыл «Куйаар кутуллар дорҕооно» (Отзвуки мелодии небес) күөн-күрэскэ кылыһах-кырыымпаҕа Саха Сирин араас улуустарыттан элбэх талааннаах толорооччу кытынна. Күрэс сүрүннээччитэ – Кыыл Уолун аатынан Үҥкүү тыйаатырын муусукаана, «Кыл Саха» бөлөх салайааччыта, республикаҕа кылыһах-кырыымпаһыттары бииргэ түмэ-салайа сылдьар уһуйааччы Анна Томская 👏🏻 Сыллата ыытыллар Олоҥхобут ыһыаҕын оруола сүдү улахан уонна төрүт дорҕоон сайдарыгар бигэ олугу уурар. Быйылгы күөн күрэс кыл струнаалаах кылыһах-кырыымпаҕа толоруу таһыма үрдээбитин, дьон биһирэбилин ыларын, элбэх киһи оонньуур буолбутун бигэргэттэ.