Бүгэдэ буряадай уласхоорондын XVI «Алтаргана-2026» гэһэн найр наадан түгэсэжэ, эрхим уг...
Бүгэдэ буряадай уласхоорондын XVI «Алтаргана-2026» гэһэн найр наадан түгэсэжэ, эрхим угсаатадаа тодорхойлбо. Арадай Хуралай Түрүүлэгшэ Владимир Павлов буряад арадай найр нааданай түгэсхэлэй еhололдо буряадаараа сугларагшадта хандажа, үндэhэн голоо шангалхые хүсөөд, эб хамта ябахые уряалаа. Эрын гурбан нааданай бүхэ барилдаагаар Буряад Уласай Сэлэнгын аймагай Зорикто Ухинов “Абарга” болон шалгараа, hур харбалгаар Үбэр-Байгалай хизаарай Булат Дугаров амжалта туйлажа, “абсолютна” мэргэнэй орьелдо гараа. Мори урилдаагаар Ивалгын аймаг түлөөлhэн Дамдин Жалсараев Тайфун хүлэгтэео, Владислав Миронов шодоогтой бусадhаа хурданаа гэршэлжэ, түрүү hуури эзэлээ. “Дангина” мүрысөөндэ Буряад Уласай Захааминай аймагай Оулэн Жагбаева Гран-При шан абаа. Шалгарагшадта УАЗ-Патриот түхэлэй 4 автохүлэг бэлэг дамжуулагдаа. Монгол, Эрхүү можо, Үбэр Байгалай хизаар, Хитад мүн Буряад улас түлөөлһэн 5 мянга гаран бэлигтэйшүүл, урагшаа жүдхэhэн тамиршад хэдэн үдэрэй туршада урма зориг, мартагдашагүй баяр баясхалан сугларагшадтаа бэлэглээ. Удаадахи «Алтаргана» 2028 оной зун Эрхүү можодо үнгэргэгдэхэ болоо.