Буряад Уласай Ивалгын аймагай шодоог Владислав Мироновай жолоодоhон Тайфун нэрэтэй хүлэ... — 4 июля 2026 г. в 00:55:23.816
Буряад Уласай Ивалгын аймагай шодоог Владислав Мироновай жолоодоhон Тайфун нэрэтэй хүлэг бүгэдэ буряадай “Алтаргана - 2026” нааданай мори урилдаанай абсолютна хурдан гээд тодоржо, гол шухала шан - ГАЗ «Патриот” түхэлэй автомашина бэлэг абаха болобо. Мориной эзэн - Дамдин Жалсараев. Арадай Хуралай түрүүлэгшын орлогшо Баир Гармаев тус урилдаанда сугларагшадые амаршалхадаа, жэлhээ жэлдэ адуу мори үдхэгшэднай, мори унаха залуу хүбүүд басагаднай олошорно гээд тэмдэглээ. - “Алтаргана” фестиваль энэ хүгжэлтын гол эршэ дүлэн болоно, - гээд hунгамал онсолоо. Мүнөөдэр үдэшэ түбэй стадиондо болохо “Алтарганын” хаалтын баяр еhололдо 3 түмэр хүлэг шан “мори урилдаанай”, “бүхэ барилдаанай” болон “Дангина” мүрысөөнүүдэй абсолютна шүүгшэдтэ дамжуулагдаха.