Буряад Уласай долоодохи зарлалай Арадай Хуралай ээлжээтэ 19-хи сесси парламентын намара... — 29 сентября 2026 г. в 07:19:05.873
Буряад Уласай долоодохи зарлалай Арадай Хуралай ээлжээтэ 19-хи сесси парламентын намарай хаhа захалба. Зарлагдаhан хуралдаа ударидагша – Арадай Хуралай Түрүүлэгшэ Владимир Павлов нэн түрүүн хүшэр байдалда ороhон сэрэгэй тусхай операцида хабаадагшын гэр бүлэдэ арга шадалаараа туhалхые уряалаа. Ушар юуб гэхэдэ, Улаан-Үдэ шадар оршодог «Багульник» нүхэсэлдэ ажаhууhан айл бүлын гэр гал түймэртэ дүүрэн шатаа. Гурбан хүүгэдтэй бүлэ байха байрагүй, гэрэй эзэн баруун тээ гурба дахин шархатаhан, нэгэ хүлгүй бусаhан. Гэрэй гуламтаяа сахигша – сэрэгшэнэй наhанай нүхэр бага хүүгэдөө хаража, ажаллаха аргагүй гээд парламентын толгойлогшо тодорхойлоо. Уряа тогтооhон hунгамалнууд болон бусад нигүүлэсхы сэдьхэлтэн дурадхагдаhан гар утаhын дугаараар нэмэри мүнгэ оруулха аргатай: +79996143665 Сбербанк Дарима Арсалановна Б. Сессин эхиндэ урматай еhолол үнгэргэгдөө. Арадай Хуралай Түрүүлэгшэ Владимир Павлов парламентын экономикын талаар хорооной түрүүлэгшын орлогшо Бадмадоржо Жигжитовта олгогдоhон «Буряад Уласай тамирай габьяата хүдэлмэрилэгшэ», Хуралай 5 удаа hунгамал Михаил Гергеновта «Буряад Уласай габьяата олзын хэрэг эрхилэгшэ» гэhэн үндэр нэрэ зэргэнүүдые дамжуулаа. Тиихэдэ депутадууд Геннадий Бадмаев болон Артем Михайлов хуули зохеолгын хүдэлмэридэ горитой хубитаяа оруулжа, оролдосотойгоор хүдэлhэнэй түлөө Арадай Хуралай Хүндэлэлэй грамотануудаар шагнагдаа. Буряад Уласай Тоололгын Палатын түрүүлэгшэ Евгений Пегасовта Арадай Хуралай Түрүүлэгшэ хани барисаагаа батадхан, аша үрэтэйгөөр хүдэлhэнэй түлөө Россин Тоололгын Палатын зүгhөө Хүндэлэлэй грамота гардуулаа. Дэлгэрэнгыгээр: https://hural-buryatia.ru/news/detail.php?ID=6003