Буряад Уласай Арадай Хуралай Түрүүлэгшын орлогшо Баир Гармаев «Буряад ФМ» радиогой анха...
Буряад Уласай Арадай Хуралай Түрүүлэгшын орлогшо Баир Гармаев «Буряад ФМ» радиогой анхан байгуулагдаhаар 10 жэлэй ойн баярай үдэшэдэ хабаадажа, абяа соносходог ажалтанаа хани халуунаар амаршалба. -Буряад Уласай Арадай Хуралай зүгhөө таанадаа ойн баяраар амаршалжа, түрэл хэлэеэ агаарай долгеор зэдэлүүлхэ хэрэгтнай угсаата зоноо хэтэдээ далижуулжа байг! Сэдьхэл тэнжээhэн, олоной дура татаhан дуунууд зэдэлэг, хаанашье ябаһан нютагаархиднай түрэл хэлэнэйнгээ сэбэр булагhаа ундалжа, буригүй бодолтой, арюун сэбэр харгытай ябаг! –гээд Баир Гармаев юрөөбэ. Буряад ФМ радио 10 жэлэй хугасаада эхэ буряад хэлэнэйнгээ үнгэ бүриин баялигые үргэн арадтаа 90,8 FM долгиндо таhалгаряагүй хүргэдэг үнэнхэ нангин үүргэтэй.
102 просмотров