Хөрмәтле райондашлар һәм кунаклар! — 25 июня 2026 г. в 07:55:47.318
Хөрмәтле райондашлар һәм кунаклар! Сезне 2026 елның 28 июнь көнендә, сәгать 12:30да, Кукмара районы, Вахит авылында узачак зур бәйрәм – «Авыл көне»нә чакырабыз! Бу көнне безне истәлекле, күңелле һәм эчтәлекле бәйрәм программасы көтә: Бәйрәм «Бәйрәм мөбәрак булсын» дип исемләнгән театральләштерелгән тамаша белән башланып китәчәк. Аннары бәйрәм кунакларының котлаулары яңгырар, Вахит авылының авыл хуҗалыгы алдынгыларын бүләкләү тантанасы узачак. Сәхнәдә Вахит авылы үзешчәннәре һәм махсус кунаклар чыгыш ясаячак. Бәйрәмнең иң күңелле өлешләренең берсе — милли уеннар һәм спорт ярышлары, шулай ук милли көрәш булачак. Бәйрәмнең махсус кунаклары: Ришат Төхвәтуллин, Фирдүс Тямаев, Гөлназ Сафарова, Рамил Шарапов, Рөстәм Насыйбуллин, Булат Шәрипов, һәм "Казан" бию ансамбле. Рәхим итегез!